Pačaŭsia pryjom zajavak na ŭdzieł u fiestyvali biełaruskaj rekłamy «adNaK!»
5 maja startavaŭ siomy fiestyval biełaruskaj rekłamy «adNaK!». Da 10 červienia budzie praciahvacca pryjom prac ad udzielnikaŭ fiestyvalu, a cyrymonija ŭznaharodžańnia projdzie 30 červienia ŭ Minsku.
Kožny hod fiestyval tradycyjna prapanoŭvaje novuju ideju, źviartajučy ŭvahu hramadskaści i prafiesijnaj supolnaści na aktualnyja pytańni ŭ śfiery kamunikacyi i rekłamy. Ideja sioletniaha siomaha AD.NAK! – «aDNAK – hien biełaruskaha kreatyvu».
U Minsku prajšła pres-kanfierencyja z arhanizatarami fiestyvalu, dzie raspaviali, jakim «aDNaK!» sioleta budzie, a taksama nazvali ličby i trendy papiarednich šaści hadoŭ.
«Fiestyval dazvalaje ruchacca napierad nie tolki biznes-śfiery, rekłamistam i zamoŭcam rekłamy, adčuŭšy biełarusaaryjentavanaść i movu jak padmurak, na nivie jakoha varta stvarać pradukty. AD.NAK! – heta placoŭka, jakaja dapamahaje nam źviazvać pamiž saboj śfiery hramadskaj aktyŭnaści, kulturnickija inicyjatyvy i biznes-asiarodak», — zajaviła Nina Šydłoŭskaja, kaardynatar hramadskaj kulturnickaj kampanii «Budźma biełarusami» i sustaršynia arhkamiteta AD.NAK!
Sustaršynia arhkamiteta AD.NAK! Siarhiej Skarachod paviedamiŭ, što sioleta śpis naminacyj budzie trochi skaročany, adnak źjaviŭsia konkurs nierealizavanych prajektaŭ. «My budziem patrabavać, kab udzielniki ŭ hetaj naminacyi padavali tyja pracy i prajekty, jakija stvaralisia dla realnych dziejańniaŭ, ale zamoviec nie pryniaŭ jaho ci pa niejkich inšych pryčynach prajekt nie realizavaŭsia». Tradycyjnaj zastaniecca i antypremija «Kaša Suvoraŭskaja», dzie moža paŭdzielničać luby čałaviek, jaki zaŭvažyŭ u rekłamie nieadpaviednaść našaj historyi.
«Velcom» i «Alivaryja» adznačyli, što biełaruskamoŭnaja rekłama dobra paŭpłyvała na raźvićcio biznesu. Jany adznačyli, što atrymlivali šmat stanoŭčych vodhukaŭ ad spažyŭcoŭ, a rekłama taho ž piva «Alivaryja Kaladnaje» vielmi chutka zdabyła papularnaść paśla źjaŭleńnia rekłamy pa-biełarusku.
* * *
Asnoŭnyja naminacyi:
Televizijnaja i kinarekłama; Prynt; Hrafičny i kamunikacyjny dyzajn; Etykietka i ŭpakoŭka; Vonkavaja rekłama; Aŭdyjorekłama; Interaktyŭnaja rekłama i dyzajn; Miedyjaprajekty; BTL, PR, proma, event, i DM-prajekty; Rekłamnyja kampanii; Inavacyi; Sacyjalnaja rekłama; Hramadskaznačnyja prajekty; Biełarusaaryjentavanyja rekłamnyja i kamunikacyjnyja prajekty.
Z 5 pa 10 maja — pryjom rabot na sajcie adnak.by. Paśla, ciaham tydnia, žury konkursu budzie vyznačacca ź pieramožcami, a ŭžo 30 červienia adbudziecca Fiestyvalny dzień, na jakim, akramia cyrymonii ŭznaharodžańnia, adbuducca adukacyjnyja kursy z udziełam mižnarodnych ekśpiertaŭ u śfiery rekłamy.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ27
Kamientary