Dziaržpahransłužba Ukrainy nie prapuściła praź miažu siem bajkieraŭ, paviedamiŭ u siabie ŭ Facebook pamočnik kiraŭnika viedamstva Aleh Słabadzian.
Jon udakładniŭ, što havorka idzie pra šeść hramadzian Biełarusi i adnaho hramadzianina Małdovy, jaki jechaŭ z Rasii. Inšych bajkieraŭ «prosta nie było», padkreśliŭ Słabadzian.
«Na dadzieny momant nijakija arhanizavanyja hrupy bajkieraŭ ci navat adzinkavyja matacyklisty-pravakatary dziaržaŭnuju miažu nie pierasiakali ni na ŭjezd, ni na vyjezd. Z tych časoŭ, jak tolki stała viadoma pra płany t.zv. rasijskich bajkieraŭ (siaredzina krasavika), hetaja katehoryja asob znachodziłasia na asablivym kantroli», — rastłumačyŭ čynoŭnik.
Pra admovu va ŭjeździe va Ukrainu trom biełaruskim matacyklistam napiaredadni paviedamlałasia na sajcie Dziaržpahransłužby krainy.
Jany zajavili, što nie ŭvachodziać u bajkierskija arhanizacyi i nakiroŭvajucca ŭ Kijeŭ dla sustreč ź siabrami. Adnak pamiežniki vyjavili ŭ ich šaŭron bajkierskaha kłuba «Rolling anarchy». «Dalej było ŭstanoŭlena, što materyjały, jakija raspaŭsiudžvajucca dadzienaj arhanizacyjaj, niasuć infarmacyju ekstremisckaha charaktaru», — zajavili ŭ viedamstvie. Jašče troje biełaruskich bajkieraŭ sprabavali ŭjechać va Ukrainu 28 krasavika, adnak i im było admoŭlena ŭ propusku.
Rasijski motakłub «Načnyja vaŭki» ciapier pravodzić aŭtaprabieh «Darohami Pieramohi — na Bierlin». Jany płanujuć pryjechać u niamieckuju stalicu da 9 maja. Prapuskać matacyklistaŭ ŭžo admoviłasia Polšča, adnak heta nie pieraškodziła im patrapić u Jeŭrasajuz.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary