Дзяржпагранслужба Украіны не прапусціла праз мяжу сем байкераў, паведаміў у сябе ў Facebook памочнік кіраўніка ведамства Алег Слабадзян.
Ён удакладніў, што гаворка ідзе пра шэсць грамадзян Беларусі і аднаго грамадзяніна Малдовы, які ехаў з Расіі. Іншых байкераў «проста не было», падкрэсліў Слабадзян.
«На дадзены момант ніякія арганізаваныя групы байкераў ці нават адзінкавыя матацыклісты-правакатары дзяржаўную мяжу не перасякалі ні на ўезд, ні на выезд. З тых часоў, як толькі стала вядома пра планы т.зв. расійскіх байкераў (сярэдзіна красавіка), гэтая катэгорыя асоб знаходзілася на асаблівым кантролі», — растлумачыў чыноўнік.
Пра адмову ва ўездзе ва Украіну тром беларускім матацыклістам напярэдадні паведамлялася на сайце Дзяржпагранслужбы краіны.
Яны заявілі, што не ўваходзяць у байкерскія арганізацыі і накіроўваюцца ў Кіеў для сустрэч з сябрамі. Аднак памежнікі выявілі ў іх шаўрон байкерскага клуба «Rolling anarchy». «Далей было ўстаноўлена, што матэрыялы, якія распаўсюджваюцца дадзенай арганізацыяй, нясуць інфармацыю экстрэмісцкага характару», — заявілі ў ведамстве. Яшчэ трое беларускіх байкераў спрабавалі ўехаць ва Украіну 28 красавіка, аднак і ім было адмоўлена ў пропуску.
Расійскі мотаклуб «Начныя ваўкі» цяпер праводзіць аўтапрабег «Дарогамі Перамогі — на Берлін». Яны плануюць прыехаць у нямецкую сталіцу да 9 мая. Прапускаць матацыклістаў ўжо адмовілася Польшча, аднак гэта не перашкодзіла ім патрапіць у Еўрасаюз.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы71
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары