Rasija i ZŠA apublikavali novaje sumiesnuju zajavu pa kanfliktu ŭ Siryi.
U zajavie abiedźvie krainy pryznajuć, što z vykanańniem režymu pieramirja ŭ niekatorych rajonach Siryi ŭźnikajuć ciažkaści. U pieršuju čarhu, havorka idzie pra Alepa, Uschodniuju Hutu i Łatakiju.
Rasija i ZŠA pieraličyli miery pa pavyšeńniu efiektyŭnaści režymu pieramirja. Krainy abiacali dapamahčy ŭ vyznačeńni terytoryj, jakija znachodziacca pad kantrolem terarystyčnych hrupovak «Isłamskaja dziaržava» i «Džebchat an-Nusra». Krainy abiacali pradprymać rašučyja dziejańni suprać ich i inšych ekstremisckich arhanizacyj.
Taksama abiedźvie krainy abiacali «akazvać upłyŭ» na udzielnic pahadnieńnia ab spynieńni ahniu: jany pavinny vykonvać jaho ŭmovy i «prajaŭlać strymanaść» u adkaz na pravakacyi. Rasija i ZŠA patrabavali spynić usialakija ataki na cyvilnaje nasielnictva.
Akramia taho, Rasija abaviazałasia ŭzajemadziejničać z uładami Siryi z tym, kab minimizavać dziejańni avijacyi ŭ rajonach, dzie pražyvaje cyvilnaje nasielnictva abo raźmieščanyja farmiravańnia, što padtrymlivajuć pieramirje.
ZŠA ž abiacali bolš padtrymlivać rehijanalnych sajuźnikaŭ, kab spynić sproby pierakidańnia bajevikoŭ ID, «Džebchat an-Nusry» i inšych ekstremisckich arhanizacyj, a taksama akazańnie im finansavaj dapamohi.
Režym spynieńnia ahniu dziejničaje ŭ Siryi ź lutaha hetaha hoda. U apošnija tydni jon nie vykonvaŭsia ŭ šerahu rehijonaŭ, u tym liku ŭ Alepa. Za apošnija tydni ŭ horadzie zahinuli niekalki sotniaŭ čałaviek. Na minułym tydni rasijskaje MZS paviedamiła pra pačatak pieramirja ŭ Alepa.
Kamientary