Z cyharetnych pačkaŭ prybiaruć źviestki pra ŭtrymańnie smały i nikacinu ŭ dymie
Na ŭpakoŭkach tytuniovych vyrabaŭ zabaroniać raźmiaščać infarmacyju pra ŭtrymańnie ŭ dymie nikatynu i smały, zastanucca tolki źviestki pra najaŭnaść kancerahiennych rečyvaŭ.
Pra heta paviedamiła zahadčyca redakcyjna-vydavieckaha adździeła Haradskoha centra zdaroŭja Alaksandra Łahun na pres-kanfierencyi u Minharvykankamie 25 maja.
— Takoje abmiežavańnie daść mahčymaść nie ŭvodzić u zman kurcoŭ, jakija miarkujuć, što «lohkija» cyharety z panižanym utrymańniem nikatynu i smały mienš niebiaśpiečnyja dla zdaroŭja, — adznačyła śpiecyjalist. — Novyja patrabavańni da ŭpakoŭki i markiroŭki tytuniovych vyrabaŭ u Biełarusi adpaviadajuć patrabavańniam mižnarodnych normaŭ. Jany prapisanyja ŭ Techničnym rehłamiencie Mytnaha sajuza na tytuniovyja vyraby, jakija nabyŭ moc 15 maja 2016 h.
Pa słovach Łahun, taksama zhodna z hetymi patrabavańniami papiaredžańni pra škodu kureńnia (u vyhladzie vyjavy i tekstu) na piarednim i advarotnym bakach pačkaŭ zojmuć 50% płoščy pavierchni. Ciapier jany zajmajuć 30% i ŭjaŭlajuć saboj tolki tekst biez malunkaŭ.
— Akramia taho, rašeńniem Savieta Jeŭrazijskaj ekanamičnaj kamisii ad 17 sakavika 2016 hoda № 18 zaćvierdžanyja eskizy hrafičnych papiaredžańniaŭ, — udakładniła Łahun. — Na cyharetnych pačkach jany pavinny źjavicca nie paźniej, čym praz hod paśla aficyjnaha apublikavańnia dakumienta.
Na dumku doktara, takaja miera stanie dadatkovym stymułam da admovy ad kureńnia.
— Kali čałaviek vykurvaje pačak u dzień, to za hod jon jak minimum 7 tysiač razoŭ pahladzić na strašnyja karcinki, — padkreśliła jana. — Suśvietny dośvied pakazvaje, što efiekt ad vykarystańnia padobnych vyjaŭ majecca. Da prykładu, u Sinhapury takaja praktyka pryviała da taho, što 28% kurcoŭ pamienšyli kolkaść spažyvanych cyharet. A 67% žycharoŭ Brazilii, jakija kurać, i zusim zachacieli pazbavicca ad škodnaj zvyčki.
Śpiecyjalist dadała, što na ŭpakoŭkach tytuniovych vyrabaŭ, što realizujucca ŭ našaj krainie, nadpisy da hrafičnych vyjavach zrobiać na biełaruskaj movie.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva4
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3030
Kamientary