Prezident ZŠA Barak Abama prybyŭ u japonski horad Chirasimu, na jaki Amieryka padčas Druhoj suśvietnaj vajny skinuła atamnuju bombu.
Abama staŭ pieršym prezidentam ZŠA, jaki naviedaŭ Chirasimu.
Razam z premjer-ministram Japonii Sindza Abe Abama naviedaŭ Miemaryjalny park miru ŭ Chirasimie.
Prezident ZŠA uskłaŭ vianok ź biełych kvietak da pomnika achviaram jadziernaha ŭdaru.
«71 hod tamu śmierć ŭpała ź nieba, i śviet źmianiŭsia», - skazaŭ Abama.
Pavodle jaho słoŭ, jadziernaje bambavańnie Chirasimy pakazała, jak čałaviectva moža samo siabie źniščyć.
Abama zajaviŭ, što śviet pavinien znajści sposab praduchilić paŭtareńnie takoj katastrofy, i zaklikaŭ admovicca ad jadziernaj zbroi.
Jadziernaja bomba była skinuta na Chirasimu ŭ žniŭni 1945 hoda pa zahadzie prezidenta ZŠA Hary Trumana. U vyniku zahinuła kala 140 tysiač čałaviek.
Kamientary