Biełarus ciapier moža nabyć sabie avijanosiec. U dobrym stanie, prabieh — 900 000 mil
Avijanosiec Illustrious, jaki mienš čym dva hady tamu byŭ vyviedzieny sa składu fłotu Jaje Vialikaści, pradajecca na aŭkcyjonie, havorycca ŭ paviedamleńni na sajcie Minabarony Vialikabrytanii.
Karabiel vodaźmiaščeńniem 22 000 ton i daŭžynioj u 210 mietraŭ mieŭ kamandu ŭ 685 čałaviek, jašče 366 byli lotčykami ci technikami pry samalotach.
Unutry i na pałubie avijanosca źmiaščalisia 22 viertaloty roznych typaŭ ci 22 šturmaviki viertykalnaha i skaročanaha ŭźlotu i pasadki Sea Harrier/Harrier II.
Illustrious prasłužyŭ brytancam 32 hady, padčas jakich udzielničaŭ u apieracyjach na Bałkanach, Afrycy, Bližnim Uschodzie, adnak ciapier pradajecca na mietałałom. Zamiest jaho budzie słužyć ŭ try razy bolšy avijanosiec Queen Elizabeth.
Biełarusi, kaniešnie, avijanosiec absalutna niepatrebny, adnak luby bajavy karabiel, jaki byŭ nabyty «dla mirnych metaŭ», moža raptam znoŭ pieraŭtvarycca ŭ bajavy.
Hetak zdaryłasia z byłym savieckim niedabudavanym avijanosnym krejsieram «Varah», jaki byŭ u 1998 hodzie pradadzieny kitajskaj kampanii Chong Lot Travel Agency Ltd.
Kitajcy byccam by źbiralisia zrabić z karabla zabaŭlalny centr, adnak urešcie z kitajskaj stočni byŭ spuščany na vodu avijanosiec «Laanin».
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha82
Kamientary