Usierasijskaje abjadnańnie zaŭziataraŭ paviedamiła, što jaho kiraŭnika Alaksandra Špryhina vydvarajuć z Francyi, dzie prachodzić čempijanat Jeŭropy pa futbole.
U paviedamleńni na sajcie arhanizacyi havorycca, što ŭłady Marsela vyrašyli vysłać z Francyi 20 z 40 zatrymanych členaŭ delehacyi UAZ, u tym liku Špryhina. Jašče 20 čałaviek adpuściać.
Sam Špryhin u razmovie z ahienctvam TASS rastłumačyŭ, što ab adpaviednym rašeńni daviedaŭsia z pastanovy prefiekta Marsela, jakuju jamu ŭručyli.
Pa słovach kiraŭnika UAZ, u dakumiencie havorycca, što vysłać zaŭziataraŭ z krainy vyrašana na padstavie infarmacyi, atrymanaj ad rasijskaha boku.
Zhodna z dakumientam, Rasija paviedamiła francuzam, što členy delehacyi UAB «mohuć uvachodzić u hrupy aktyŭnych zaŭziataraŭ i tym samym ujaŭlać pahrozu biaśpiecy».
Špryhin adznačyŭ, što havorka idzie mienavita pra vydvareńnie, a nie pra departacyju biez prava viartańnia. Inšymi słovami, vizy vysłanych rasijanaŭ, pa słovach kiraŭnika UAZ, nie buduć anulavanyja.
Na vykanańnie rašeńnia ab vysyłcy 20 zaŭziataraŭ ułady Marsela adviali piać dzion. Špryhin zajaviŭ, što płanuje abskardzić rašeńnie.
Kamientary