Lidar Turcyi Redžep Taip Erdahan raspavioŭ u intervju CNN padrabiaznaści sproby dziaržaŭnaha pieravarotu.
Pa słovach Erdahana, pierad pasadkaj u aeraporcie Stambuła kantrol nad viežaj kiravańnia pavietranym rucham byŭ u sałdataŭ, jakija płanavali pieravarot. Jany adklučyli ahni na ŭźlotna-pasadačnaj pałasie.
Piłot prezidenckaha samalota i sam Erdahan vyrašyli sadzicca, vykarystoŭvajučy ahni na borcie. Adnak niepasredna pierad pasadkaj kantrol nad viežaj atrymali siły, łajalnyja tureckamu prezidentu. Kali prezidencki bort sieŭ, u nieba padnialisia źniščalniki F-16. Jany pralatali na nievialikaj vyšyni nad samalotam Erdahana.
U intervju CNN prezident Turcyi adchiliŭ abvinavačvańni ŭ tym, što jon vykarystoŭvaje miaciež u svaich intaresach, kab zdušyć apanientaŭ.
Jak piša Guardian sa spasyłkaj na krynicy ŭ kontr-terarystyčnych kołach, dva źniščalniki F-16 naładzili sistemu naviadzieńnia na prezidencki samalot.
Jany nie stali stralać pa «borcie numar adzin», pakolki piłot prezidenckaha samalota zapeŭniŭ ich pa radyjosuviazi, što heta samalot Turkish Airlines.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim11
Kamientary