Kandydat u prezidenty ad Respublikanskaj partyi Donald Tramp pryhraziŭ vychadam ZŠA z Suśvietnaj handlovaj arhanizacyi (SHA), kali jaho płany pa abaronie taryfami vytvorčaści ŭnutry krainy sustrenuć supraciŭ. Pra heta jon zajaviŭ u intervju telekanału NBC News.
U intervju jon zajaviŭ, što dla kampanij, jakija vyvieli vytvorčaść z ZŠA, naprykład, u Mieksiku, treba ŭvieści impartnyja pošliny ŭ pamiery ad 15 da 35%. Na zaŭvahu žurnalista, što takija miery mohuć być asprečanyja ŭ SHA, Tramp adkazaŭ «jašče lepš».
«U takim vypadku my pierahledzim pahadnieńnie abo vyjdziem [z SHA]», — zajaviŭ jon (cytata pa The Hill). «Hetyja handlovyja ździełki źjaŭlajucca katastrofaj, — udakładniŭ Tramp. — Vy viedajecie, Suśvietnaja handlovaja arhanizacyja sama pa sabie źjaŭlajecca katastrofaj».
Tramp pryvioŭ u prykład kampaniju Carrier z štata Indyjana, jakaja pieravodzić vytvorčaść u Mieksiku. «Kali jany źbirajucca zvolnić uvieś piersanał, pieramiaścić zavod u Mieksiku, źbirać tam kandycyjaniery i pry hetym płanujuć pradavać hetyja kandycyjaniery ŭ ZŠA, to ŭ hetym vypadku buduć padatki», — rastłumačyŭ jon.
Kandydat taksama prapanavaŭ pierahledzieć usie hłabalnyja handlovyja pahadnieńni, zaklučanyja ZŠA, uklučajučy Damovu ab tranścichaakijanskim partniorstvie (TPP), jakuju administracyja Baraka Abamy zaklučyła z 12 dziaržavami Azijacka-Cichaakijanskaha rehijona.
Raniej u svajoj prahramnaj pramovie na źjeździe Respublikanskaj partyi Tramp abvinavaciŭ byłoha prezidenta ZŠA Biła Klintana i eks-dziaržsakratara Chiłary Klintan u tym, što ich palityka pryviała da skaračeńnia traciny pracoŭnych miescaŭ u pramysłovaści ZŠA z 1997 hoda. Pamyłkaj, na jaho dumku, była padtrymka, jakuju akazała administracyja Klintana dla ŭstupleńnia Kitaja ŭ SHA.
Akramia taho, Tramp raskrytykavaŭ dziejnuju administracyju Baraka Abamy. Jon paŭtaryŭ svajo abiacańnie pabudavać ścianu na miažy ZŠA, kab pierakryć nielehalnuju imihracyju, paabiacaŭ zmahacca z dempinham i valutnymi manipulacyjami Kitaja. Tramp paabiacaŭ taksama pravodzić spraviadlivuju handlovuju palityku, abaraniać pracoŭnyja miescy amierykancaŭ i zmahacca z krainami, jakija parušajuć pahadnieńni.
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali10
Kamientary