Кандыдат у прэзідэнты ад Рэспубліканскай партыі Дональд Трамп прыгразіў выхадам ЗША з Сусветнай гандлёвай арганізацыі (СГА), калі яго планы па абароне тарыфамі вытворчасці ўнутры краіны сустрэнуць супраціў. Пра гэта ён заявіў у інтэрв'ю тэлеканалу NBC News.
У інтэрв'ю ён заявіў, што для кампаній, якія вывелі вытворчасць з ЗША, напрыклад, у Мексіку, трэба ўвесці імпартныя пошліны ў памеры ад 15 да 35%. На заўвагу журналіста, што такія меры могуць быць аспрэчаныя ў СГА, Трамп адказаў «яшчэ лепш».
«У такім выпадку мы перагледзім пагадненне або выйдзем [з СГА]», — заявіў ён (цытата па The Hill). «Гэтыя гандлёвыя здзелкі з'яўляюцца катастрофай, — удакладніў Трамп. — Вы ведаеце, Сусветная гандлёвая арганізацыя сама па сабе з'яўляецца катастрофай».
Трамп прывёў у прыклад кампанію Carrier з штата Індыяна, якая пераводзіць вытворчасць у Мексіку. «Калі яны збіраюцца звольніць увесь персанал, перамясціць завод у Мексіку, збіраць там кандыцыянеры і пры гэтым плануюць прадаваць гэтыя кандыцыянеры ў ЗША, то ў гэтым выпадку будуць падаткі», — растлумачыў ён.
Кандыдат таксама прапанаваў перагледзець усе глабальныя гандлёвыя пагадненні, заключаныя ЗША, уключаючы Дамову аб трансціхаакіянскім партнёрстве (TPP), якую адміністрацыя Барака Абамы заключыла з 12 дзяржавамі Азіяцка-Ціхаакіянскага рэгіёна.
Раней у сваёй праграмнай прамове на з'ездзе Рэспубліканскай партыі Трамп абвінаваціў былога прэзідэнта ЗША Біла Клінтана і экс-дзяржсакратара Хілары Клінтан у тым, што іх палітыка прывяла да скарачэння траціны працоўных месцаў у прамысловасці ЗША з 1997 года. Памылкай, на яго думку, была падтрымка, якую аказала адміністрацыя Клінтана для ўступлення Кітая ў СГА.
Акрамя таго, Трамп раскрытыкаваў дзейную адміністрацыю Барака Абамы. Ён паўтарыў сваё абяцанне пабудаваць сцяну на мяжы ЗША, каб перакрыць нелегальную іміграцыю, паабяцаў змагацца з дэмпінгам і валютнымі маніпуляцыямі Кітая. Трамп паабяцаў таксама праводзіць справядлівую гандлёвую палітыку, абараняць працоўныя месцы амерыканцаў і змагацца з краінамі, якія парушаюць пагадненні.
Цяпер чытаюць
«Вы прыйшлі сюды лохамі, а станеце драпежнікамі». Як працуюць мінскія кол-цэнтры скамераў3
Каментары