Ułady Małavi paśla publikacyi Bi-bi-si aryštavali mužčynu, jaki zajmaŭsia seksam ź dziećmi padčas «abradaŭ ačyščeńnia».
Čałaviek, jakomu płaciać za seks ź dziećmi
Eryk Aniva byŭ aryštavany pa zahadzie prezidenta Pietera Mutaryki, raspavioŭ pres-sakratar ŭrada.
Pavodle jaho słoŭ, Aniva, jakoha abščyny najmajuć dla abradu seksualnaha «ačyščeńnia», budzie pryciahnuty adkaznaści za parušeńnie pravoŭ dziaciej.
Akramia taho, paviedamlajecca, što prezident vyrašyŭ pakłaści kaniec tradycyi, pa jakoj dasiahnułyja pałavoj stałaści dziaŭčynki pazbaŭlajucca cnatlivaści ŭ abdymkach čałavieka, jakoha naniali za hrošy dla akazańnia seks-pasłuh.
Eryka Aniva, jaki staŭ hierojem artykuła Bi-bi-si, miascovyja žychary nazyvajuć «hijenaj». Heta tradycyjnaja mianuška, jakaja prysvojvajecca mužčynam, jakich abščyny najmajuć dla abradu seksualnaha «ačyščeńnia». Naprykład, kali čałaviek pamiraje, to jaho žonka pavinna pieraspać z Anivaj, pierš čym pachavać muža.
Jon raspavioŭ žurnalistam, što pieraspaŭ z bolš čym sotniaj dziaŭčynak, pry hetym nichto z žycharoŭ abščyny nie viedaje pra jaho VIČ-status.
***
Kali dziaŭčynka admaŭlajecca, to, pavodle miascovych vieravańniaŭ, na jaje, jaje siamju i navat na ŭsiu viosku mohuć abrynucca chvaroby i ŭsialakija niaščaści.
«Bolšaść z tych, z kim ja spaŭ — dziaŭčynki-školnicy. Niekatorym było ŭsiaho 12-13 hadoŭ, ale ja addaju pieravahu, kali jany starejšyja, - kazaŭ Aniva. - Jany hanaracca svaim vopytam i raspaviadajuć inšym, što ja — sapraŭdny mužčyna, jaki viedaje, jak ułahodzić žančynu».
Adnak jaho vychvaleńnie idzie nasupierak z apoviedami niekalkich dziaŭčat, jakich žurnalist Bi-bi-si sustreŭ u susiedniaj vioscy. Pa ich słovach, jany adčuvajuć ahidu da taho, praz što im daviałosia prajści.
«Ja ničoha nie mahła zrabić. Mnie treba było pajści na heta dziela maich baćkoŭ», — kaža adna ź ich — Maryja.
«Kali b ja admoviłasia, na maich rodnych mahli napaści chvaroby i navat śmierć. Ja spałochałasia», — praciahvaje jana.
Pa ich słovach, usie znajomyja im dziaŭčaty prajšli praz prymusovy seks z «hijenaj».
-
Sieuł patrabuje ad Kijeva vybačeńniaŭ za raskryćcio infarmacyi ab pieradačy Paŭdniovaj Karei vajennapałonnych z KNDR
-
Vučyč pajšoŭ u adstaŭku z pasady prezidenta Sierbii. Kab stać premjeram
-
«Bačyli niejkich robataŭ». Pobač z bazaj VPS u Anhlii aryštavali piać čałaviek — ich padazrajuć u padrychtoŭcy teraktu
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni21
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary