Улады Малаві пасля публікацыі Бі-бі-сі арыштавалі мужчыну, які займаўся сэксам з дзецьмі падчас «абрадаў ачышчэння».
Чалавек, якому плацяць за сэкс з дзецьмі
Эрык Аніва быў арыштаваны па загадзе прэзідэнта Петэра Мутарыкі, распавёў прэс-сакратар ўрада.
Паводле яго слоў, Аніва, якога абшчыны наймаюць для абраду сэксуальнага «ачышчэння», будзе прыцягнуты адказнасці за парушэнне правоў дзяцей.
Акрамя таго, паведамляецца, што прэзідэнт вырашыў пакласці канец традыцыі, па якой дасягнулыя палавой сталасці дзяўчынкі пазбаўляюцца цнатлівасці ў абдымках чалавека, якога нанялі за грошы для аказання сэкс-паслуг.
Эрыка Аніва, які стаў героем артыкула Бі-бі-сі, мясцовыя жыхары называюць «гіенай». Гэта традыцыйная мянушка, якая прысвойваецца мужчынам, якіх абшчыны наймаюць для абраду сэксуальнага «ачышчэння». Напрыклад, калі чалавек памірае, то яго жонка павінна пераспаць з Анівай, перш чым пахаваць мужа.
Ён распавёў журналістам, што пераспаў з больш чым сотняй дзяўчынак, пры гэтым ніхто з жыхароў абшчыны не ведае пра яго ВІЧ-статус.
***
Калі дзяўчынка адмаўляецца, то, паводле мясцовых вераванняў, на яе, яе сям'ю і нават на ўсю вёску могуць абрынуцца хваробы і ўсялякія няшчасці.
«Большасць з тых, з кім я спаў — дзяўчынкі-школьніцы. Некаторым было ўсяго 12-13 гадоў, але я аддаю перавагу, калі яны старэйшыя, - казаў Аніва. - Яны ганарацца сваім вопытам і распавядаюць іншым, што я — сапраўдны мужчына, які ведае, як улагодзіць жанчыну».
Аднак яго выхваленне ідзе насуперак з аповедамі некалькіх дзяўчат, якіх журналіст Бі-бі-сі сустрэў у суседняй вёсцы. Па іх словах, яны адчуваюць агіду да таго, праз што ім давялося прайсці.
«Я нічога не магла зрабіць. Мне трэба было пайсці на гэта дзеля маіх бацькоў», — кажа адна з іх — Марыя.
«Калі б я адмовілася, на маіх родных маглі напасці хваробы і нават смерць. Я спалохалася», — працягвае яна.
Па іх словах, усе знаёмыя ім дзяўчаты прайшлі праз прымусовы сэкс з «гіенай».
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак7
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары