Kampanija Google paabiacała viarnuć u rasijskuju viersiju servisu Google Maps raniejšyja nazvy nasielenych punktaŭ Kryma, jakija byli pierajmienavany ŭ ramkach dekamunizacyi va Ukrainie.
«My ŭ kursie situacyi, jakaja skłałasia, i aktyŭna pracujem nad tym, kab viarnuć na rasijskuju viersiju Google Maps raniejšyja nazvy», — zajavili ŭ pres-słužbie Google.
Raniej servis pieranazvaŭ nasielenyja punkty anieksavanaha Rasijaj paŭvostrava ŭ adpaviednaści z ukrainskim zakonam. U pryvatnaści, horad Krasnapierakopsk staŭ Jany Kapu, Krasnahvardziejskaje — Kurmanam, a Kiraŭskaje — Iślam-Terekam. Źmieny zakranuli jak rasijskuju, tak i ŭkrainskuju viersii servisu.
Pierajmienavańnie krymskich nasielenych punktaŭ u rasijskaj viersii Google Maps vyklikała burnaje abureńnie rasijskich palitykaŭ.
«Miarkuju, što heta niedalnabačnaja palityka, i hetaja pamyłka budzie vypraŭlenaja… Kali kampanija Google stavicca nastolki niaŭvažliva da dziejnaha ŭ Rasii zakanadaŭstva i nazvaŭ rasijskich nasielenych punktaŭ, heta nie dazvolić kampanii efiektyŭna vieści biźnies na terytoryi Rasii», — zajaviŭ ministr suviazi RF Mikałaj Nikifaraŭ.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie49
Kamientary