Najlepšyja biełaruskija albomy 2016: top-10 za pieršaje paŭhodździe pa viersii experty.by

Za pieršaje paŭhodździe 2016 štatnyja ekśpierty acanili 49 albomaŭ. Upieršyniu ŭ historyi partała experty.by da razhladu prymalisia u tym liku dyski, vykładzienyja ŭ sacyjalnych sietkach biez anonsaŭ u ŚMI. Prapanujem vašaj uvazie vynikovy top-10 i asabistyja top-5 kožnaha ekśpierta c kamientarami.

Top-10 štatnych ekśpiertaŭ:

1. Piatla prychilnaści «Moda i abłoki» — 8,75
2. True Litwin Beat «Niepatrebnaja praŭda pra biełarusaŭ» — 8,75
3. Shuma «Sonca» — 8,00
4. Źmicier Vajciuškievič & WZ-Orkiestra «Kamieta» — 7,75
5. Mustelide «Spi» — 7,50
6. Siarhiej Pukst «Šlach dadomu» — 7,50
7. Dzieciuki «Recha» — 7,25
8. Sounduk «Som» — 6,75
9. Ilo & Friends «Koła» — 6,50
10. TT'34 «Padajučy i zadychajučysia damahaješsia adzinaj mety» — 6,50

Źmicier Biezkaravajny

49 acenienych za paŭhodździe albomaŭ — histaryčny maksimum, dasiahnuty dziakujučy razhladu VK-relizaŭ. Ale jakaści ŭ zamknionych asabliva na sacsietkach relizaŭ pakul niama — u lik recenzavanych ni adzin nie trapiŭ. Tak što heta chutčej chod na pierśpiektyvu. Usiaho 14 adrecenzavanych albomaŭ za paŭhodździe — heta histaryčny minimum z tych časoŭ, jak uviedzieny «adsieŭ» pa bałach. Padobna na toje, što novy skład ekśpiertaŭ niekalki ćviardziejšy za stary. I jon inšy pa hustach. Pieršaje miesca ŭ paŭhodździ i 8,75 dla alboma «Piatli prychilnaści», jakaja nie atrymlivała da hetaha vyšej za 7,50 — jarkaje tamu paćvierdžańnie. Pry hetym kankurenty ŭ asobie True Litwin Beat i Shuma zusim pobač. Ci pahodziacca z takim raźmierkavańniem miescaŭ pazaštatnyja i inšyja ekśpierty, ci znojducca jašče kankurenty — pytańnie dla druhoha paŭhodździa i ŭznaharod Experty.by u sakaviku 2017. Na moj ža asabisty hust jakasnaja piaciorka i niekalki mocnych relizaŭ za imi jość — značyć, paŭhodździe ŭ normie.

1. Shuma «Sonca» – 9,00
2. Piatla prychilnaści «Moda i abłoki» – 8,00
3. Siarhiej Pukst «Šlach dadomu» – 8,00
4. Mustelide «Spi» – 7,00
5. Ilo & Friends «Koła» – 7,00

Konrad Jerafiejeŭ

U pieršym paŭhodździ my ŭbačyli niekalki vydatnych relizaŭ, uklučajučy zusim pyšnuju i svoječasovuju «Niepatrebnuju praŭdu pra biełarusaŭ». Kolkaść jakasnych płaścinak na adzinku času, zdajecca, nie mocna adroźnivajecca ad čakanaha, i, byccam by, niama padstavy zasmučacca. Trochi biantežać tolki dźvie rečy. Pa-pieršaje, dosyć nizki siaredni ŭzrovień — tolki 4 sapraŭdnych płaścinki stajać z 49 acenienych i 14 adrecenzavanych. Pa-druhoje, adsutnaść u śpisie choć adnaho novaha imia — kali kazać pra muzykaŭ, a nie ich rekambinacyi.

1. True Litwin Beat «Niepatrebnaja praŭda pra biełarusaŭ» – 10,00
2. Źmicier Vajciuškievič & WZ-Orkiestra»Kamieta» – 10,00
3. Piatla prychilnaści «Moda i abłoki» – 9,00
4. Siarhiej Pukst «Šlach dadomu» – 8,00
5. 5. Dzieciuki «Recha» – 7,00

Jahor Cyvilka

Pa ŭłasnym dośviedzie ŭžo viedaju, što rabić niejkija vysnovy pra hod na asnovie pieršaha paŭhodździa nie varta. Ale mušu kanstatavać: pakul što nie chapaje «maładoj kryvi» ź jakasnymi śviežymi relizami. Rej viaduć daŭno znajomyja i viadomyja vykanaŭcy – navat debiutantaŭ Witness Temple ciažka adnieści da navičkoŭ biełaruskaj sceny. Ahułam vydatnych albomaŭ niamała, ale jany, na žal, jak ajśbierhi siarod chałodnaj roŭniadzi z redkimi chvalami.

1. True Litwin Beat «Niepatrebnaja praŭda pra biełarusaŭ» – 10,00
2. Shuma «Sonca» – 10,00
3. Piatla prychilnaści «Moda i abłoki» – 8,00
4. Mustelide «Spi» – 8,00
5. Dzieciuki «Recha» – 8,00

Mikałaj Jankojć

Roŭnaje paŭhodździe. Hodnych relizaŭ niamała. Bolš za ŭsio asałody prynieśli pracy, na jakich muzyki zahučali pa-inšamu, raskryli raniej nieznajomyja jakaści: Mustelide, Pukst (adrazu ŭ dvuch asobach) i «Piatla prychilnaści». Škada tolki, što nie prajšoŭ hałasavańnie ekśpiertaŭ (pa stylistycy) pryhožy ŭ svajoj niarvovaści albom Marie Chante. Tryvožna, što jarkich debiutantaŭ u 2016 pakul zusim niama (True Litwin Beat navičkami nijak nie nazavieš). Na dyskach moładzi – šmat imitacyi, mituśni, taptańnia na miescy. Pryčym ciapier my razhladajem u miežach prajekta i albomy, jakija raspaŭsiudžvajucca vyklučna praz sacsietki, i heta važnaje rašeńnie – ale, na žal, vialiki pracent hetych relizaŭ vyklikaje adzinaje pytańnie: dziela kaho i dziela čaho jany zapisanyja? Jakasnych zapisaŭ chapaje, ale nie staje jakaści i jasnaści dumki.

1. Piatla prychilnaści «Moda i abłoki» – 10,00
2. Mustelide «Spi» – 8,00
3. True Litwin Beat «Niepatrebnaja praŭda pra biełarusaŭ» – 8,00
4. Siarhiej Pukst «Šlach dadomu» – 7,00
5. Źmicier Vajciuškievič & WZ-Orkiestra «Kamieta» – 7,00

• 0
• 0
• 0
• 0
• 0
• 0
• 0
• 0