Što ž adbyvajecca ŭ Minsku na Zybickaj viečarami VIDEA, FOTA
U suboty Vierchni horad ihraje, śpiavaje i tancuje ŭ kožnym zakutku.
Turysty ŭ zachapleńni: takaja Biełaruś im padabajecca.
U suboty kala Ratušy dajuć kancerty kłasičnaj muzyki. U minułym miesiacy ihrali džaz. U hetuju ž subotu tam ihraŭ Dziaržaŭny kamierny arkiestr z maładymi salistami Kansiervatoryi.
Adnak kłasikaj nie abmiažoŭvałasia. Za carkvoj Śviatoha Ducha, na rahu za klaštaram bazyljanak, tancavali zumbu.
Udzielničać moh kožny:
Asabliva samaaddana tancavała para rasijskich turystaŭ:
Usio heta dziela zboru hrošaj siamji invalida, kab zbyłasia jaho mara — pajezdka na mora. Bačycie, skrynka staić na ziamli.
Inicyjatyva nazyvajecca «Piešachodka» ŭ miežach kampanii MaeSens.
Tym časam u susiednim dvoryku miž carkvoj Śviatoha Ducha i klaštaram bazyljancaŭ — moładź tancavała chip-chop.
A ŭ dvoryku na Zybickaj ihrali minskija studenckija rok-hurty.
Na Hiercena (byłym Mała-Manastyrskim zavułku) ihrali skrypačy. Vakoł kožnaha z artystaŭ stajali hurtam turysty.
Narešcie, na samoj płoščy Svabody išoŭ kirmaš ramieśnikaŭ. U hety viečar siudy, akramia minčukoŭ, pryjechali samatužniki sa Starych Daroh z ručnikami, košykami i inšaj karysnaj drabiazoj.
A na miescy kolišniaha Małoha haścinaha dvara — daj boh jamu adbudavacca — idzie miłaja vystava partretaŭ z kalekcyi Mastackaha muzieja. Vielmi cikavyja podpisy — praŭda, bieź biełaruskamoŭnaha varyjanta ich.
Voś takaja atmaśfiera viasiołaha majdanu panuje ŭ biełaruskaj stalicy letnimi viečarami. Rekamiendujem jaje haściam stalicy: biaśpieka tam absalutnaja, śpiecnaz dziažuryć pad kožnaj lichtarniaj.
Prysutničajuć jany i na Zybickaj kala novaj skulptury: padarunku Sajuzu architektaraŭ ad Sajuza dyzajnieraŭ, čyhunnaja baba.
Ciapier čytajuć
Adciskańni z tatam, uroki z mamaj. Jak žyvie i vučycca siamja Sieviaryncaŭ u Vilni6
Kamientary