Prajšło ŭsiaho try tydni ad papiaredniaha kancerta Lavona Volskaha ŭ Sucharavie, i znoŭ minčuki mieli mahčymaść jaho pačuć.
Siońnia, 19 žniŭnia, pavinien byŭ adbycca hadzinny kancert muzyki ŭ miežach konkursu maładych vykanaŭcaŭ «Zaśpiavaj 3.0». Volski byŭ adnym ź siabraŭ žury. Hety kancert — apošni ŭ letniaj sieryi «Zaśpiavaj 3.0».
Na hety vystup muzyki minskija ideołahi vydali hastrolnaje paśviedčańnie. Lehalnych kancertaŭ u stalicy Volski nie davaŭ bolš za dva hady.
Kancert musiŭ prajści na letniaj terasie kaviarni «Chill out» na płoščy Svabody ŭ Minsku. Pierad samym pačatkam miesca źmianili, vystup adbyŭsia na Dziaržynskaha ŭ Halerei TUT.BY.
Vidavočna, biełarusy sumujuć pa maštabnych vystupach Lavona Volskaha. Pry kancy lipienia, kali ŭ Sucharavie adbyŭsia jaho kancert u miežach pikietu pa zbory podpisaŭ za pretendenta na kandydata ŭ deputaty Pałaty Pradstaŭnikoŭ ad ruchu «Za svabodu» Alesia Łahvinca, sabralisia sotni ludziej.
Kamientary