Прайшло ўсяго тры тыдні ад папярэдняга канцэрта Лявона Вольскага ў Сухараве, і зноў мінчукі мелі магчымасць яго пачуць.
Сёння, 19 жніўня, павінен быў адбыцца гадзінны канцэрт музыкі ў межах конкурсу маладых выканаўцаў «Заспявай 3.0». Вольскі быў адным з сябраў журы. Гэты канцэрт — апошні ў летняй серыі «Заспявай 3.0».
На гэты выступ музыкі мінскія ідэолагі выдалі гастрольнае пасведчанне. Легальных канцэртаў у сталіцы Вольскі не даваў больш за два гады.
Канцэрт мусіў прайсці на летняй тэрасе кавярні «Chill out» на плошчы Свабоды ў Мінску. Перад самым пачаткам месца змянілі, выступ адбыўся на Дзяржынскага ў Галерэі TUT.BY.
Відавочна, беларусы сумуюць па маштабных выступах Лявона Вольскага. Пры канцы ліпеня, калі ў Сухараве адбыўся яго канцэрт у межах пікету па зборы подпісаў за прэтэндэнта на кандыдата ў дэпутаты Палаты Прадстаўнікоў ад руху «За свабоду» Алеся Лагвінца, сабраліся сотні людзей.
Цяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі16
Каментары