U Mjanmie adbyŭsia ziemlatrus mahnitudaj 6,8. Padziemnyja šturški adčuvalisia taksama ŭ Tajłandzie, Banhładeš i Indyi.
Epicentr ziemlatrusu znachodziŭsia ŭ 25 kiłamietrach ad horada Čau, ačah ziemlatrusu byŭ raźmieščany na hłybini 84 km, paviedamlaje Hieałahičnaja słužba ZŠA.
Pakul aficyjnych dadzienych ab mahčymych achviarach i paciarpiełych u vyniku ziemlatrusu niama. Ahienctva «Frans pres» sa spasyłkaj na deputata parłamienta akruhi Mahue paviedamlaje, što achviaraj ziemlatrusu staŭ 22-hadovy małady čałaviek, jaki zahinuŭ pry abrušeńni budynka, taksama jašče adna žančyna paciarpieła.
Ziemlatrus zakranuŭ staražytny horad Pahan, jaki karystajecca papularnaściu ŭ turystaŭ. Paviedamlajecca, što niekalki staražytnych śviaciliščaŭ, jakija znachodziacca ŭ horadzie, atrymali paškodžańni.
U najbujniejšym horadzie Mjanmy — Janhonie — z-za padziemnych šturškoŭ treślisia budynki. U stalicy Banhładeš, Dacy, pa mienšaj miery 20 čałaviek atrymali ranieńni. U indyjskaj Kalkucie z-za padziemnych šturškoŭ prypyniŭ pracu mietrapaliten.
Nahadajem, u noč na sieradu adbyŭsia ziemlatrus u Italii, u vyniku jakoha zahinuli jak minimum 38 čałaviek.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary