Strašnuju znachodku ŭbačyli hramadskija aktyvisty, jakija pryjechali va ŭročyšča Błahoŭščyna pravieści akcyju, prymierkavanuju da Mižnarodnaha dnia pamiaci achviar nacyzmu i stalinizmu.
Uviečary 23 žniŭnia kala dziesiaci hramadskich aktyvistaŭ praviali akcyju ŭ pamiać pra achviar kamunistyčnych represij va ŭročyščy Błahoŭščyna (kala vioski Traścianiec, Minski rajon).
Kali aktyvisty pryjechali da miesca akcyi, jany ŭbačyli niečakanaje i niepryjemnaje — pasiarod darohi, pad kryžom u pamiać zabitych ludziej lažaŭ zabity baran.
«Baran byŭ sa źviazanymi nahami i pierarezanym horłam, pobač z baranam byŭ namalavany i pasypany sollu kruh, pa usiej daŭžyni jakoha byli napisany niejkija litary i ličby. U centry kruha była vialikaja čornaja plama — imavierna, zapiečanaja kroŭ — i lažała niedaharełaje vuholle i popieł. Vidavočna, pravodzilisia rytualnyja dziejańni», — napisała na svajoj staroncy ŭ fejsbuku ŭdzielnica akcyi Hanna Šapućka.
Paśla akcyi hramadskija aktyvisty vyklikali milicyju, jakuju daviałosia čakać bolš za hadzinu. Milicyjanty pierapisali dadzienyja ludziej i, apytaŭšy, adpuścili. Milicyjanty paviedamili, što pieradaduć źviestki ekałahičnaj słužbie.
U kamientary «Novamu Času» Hanna Šapućka apaviała, što siońnia nakont hetaj historyi joj zvanili z «Remaŭtadora» — pytalisia, dzie ž lažyć toj baran. Maŭlaŭ, jon byŭ na prajeznaj častcy, tamu milicyja zahadała jaho prybrać. «Ci buduć niejkija dalejšyja dziejańni pa rasśledavańni hetaha rytualnaha zabojstva — nieviadoma. Milicyjanty nastrojeny skieptyčna, maŭlaŭ, zabity ž nie čałaviek, a baran. Skazali, što načalstva pavinna pryniać rašeńnie ciaham troch dzion — tady i budzie niejkaja novaja infarmacyja. Asabliva ździŭlaje, što hety baran lažaŭ mietrach u 500 ad šašy i, vidać, lažaŭ nie adzin dzień, bo raspuch, a nikomu nie było spravy, choć tam jeździać šmat mašyn. Vielmi aburaje, što miesca rasstrełaŭ nastolki zaniadbanaje», — adznačyła Hanna Šapućka.
Internet-karystalniki aktyŭna hadajuć, što ž za rytualnaje zabojstva mahło tam adbycca. Viadomy mastactvaznaŭca Siarhiej Chareŭski vykazaŭ zdahadku pra toje, što heta moh być armianski abrad achviaravańnia «matach», a kiraŭnik partała «Krynica.info» Maksim Hacak ličyć, što abrad pravodzili nieapahancy albo prychilniki mahii.
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia17
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1616
Kamientary