ŭ suviazi z avaryjaj na adzinaj u Słavienii AES «Krška».
AES «Krško» |
Słavienija časova spyniła adzinuju ŭ krainie atamnuju elektrastancyju «Krška» («Krško») ŭ suviazi z uciečkaj u systemie achałodžvańnia, paviedamlaje Frans‑pres. Eŭrapiejskaja kamisija ŭ Bruseli vypuściła ekstranaje papiaredžańnie pra mahčymuju radyjacyjnuju pahrozu.
«Uciečka choładahientu adbyłasia ŭ systemie pieršaha konturu atamnaj elektrastancyi «Krška» na paŭdniovym zachadzie Słavienii, — havorycca ŭ aficyjnaj zajavie miascovych uładaŭ. — Ciapier na AES prachodziać padrychtoŭčyja raboty dla biaśpiečnaj pracedury zakryćcia».
Jak zajaviła presavaja sakratarka aficyjnaha pradstaŭnika Słavienii ŭ EZ Majia Kaśjansik, incydent nie ŭjaŭlaje niebiaśpieki dla supracoŭnikaŭ AES i žycharoŭ vakolicaŭ. Pavodle jejnych słoŭ, havorka idzie tolki pra ŭciečku achaładžalnaha, ale nie radyjeaktyŭnaha rečyva.
Hetuju infarmacyju paćvierdziła prasavaja sakratarka AES «Krška» Ida Novak, pa słovach jakoj avaryja na stancyi nie nanieśła škody vakolnamu asiarodździu. Ciapier na AES pracujuć eksperty, jakija pavinny zrabić analiz pałomki j raspracavać schiemu dla jejnaj likvidacyi.
«Pakul my nia možam pradkazać, kolki nam spatrebicca času j jak doŭha my budziem začynieny, — patłumačyła jana. — Dla pačatku my pavinny dakładna vyjavić miesca ŭciečki j zrazumieć, jak dać joj rady».
Tym časam administracyja EZ abjaviła pra zapusk systemy terminovaha radyjalahičnaha infarmacyjnaha abmienu, jakaja dazvalaje pieradavać dadzienyja ŭsim 27 krainam‑siabram źviazu adnačasova.
Jana była stvorana ŭ 1987 hodzie paśla avaryi na Čarnobylskaj AES z metaj rańniaha apaviaščeńnia j abmienu dadzienymi ŭ vypadku radyjacyjnaj abo atamnaj pahrozy. Usie dziaržavy‑siabry Eŭrapiejskaha źviazu musiać «z peŭnaj častatoj» paviedamlać kamisii, jakija robiacca zachady, i jakija vyniki radyjacyjnych zamieraŭ.
Pavodle słoŭ presavaha sakratara eŭrakamisara pa enerhietycy Ferana Taradeljasa, systema prymianiajecca ŭvieś čas, adnak na jahonaj pamiaci heta pieršy vypadak u Bruseli, kali incydent atrymaŭ šyrokuju ahałosku.
U pryvatnaści, svaju niezadavolenaść na adras Słavienii ŭžo vykazaŭ aŭstryjski ministar pa pytańniach vakolnaha asiarodździa Džozef Proł. Jon śćviardžaje, što słavienskija ŭłady papiaredzili jahonych padnačalenych nie pra ŭciečku na AES, a tolki pra toje, što na stancyi ŭviedzieny ŭzmocnienyja miery biaśpieki ŭ suviazi z vyjaŭleńniem prablem u systemie achałodžvańnia.
«Hety fakt stavić pad pytańnie nadziejnaść system avaryjnaj tryvohi ŭ Słavienii», — zajaviŭ ministar.
Niamiecki sakratar pa pytańniach vakolnaha asiarodździa Michael Miuler abjaviŭ pra toje, što federalny ŭrad źviarnuŭsia da adpaviednych struktur z prośbaj acanić sytuacyju. Praŭda, paźniej pres‑sakratar Miulera Michael Šroeren dadaŭ, što sytuacyja pad kantrolem i ŭ dadzieny momant niama nijakich śviedčańniaŭ, kab pryznać incydent čymści surjoznym.
Adnak siabra mižnarodnaj arhanizacyi Greenpeace International Jan Beranek vyraziŭ surjoznyja sumnievy ŭ tym, što sytuacyja, jakuju siabry EZ pryznajuć hetkaj niaznačnaj, sapraŭdy nie ŭjaŭlaje nijakaj pahrozy.
«My spadziajemsia, što ŭ dačynieńni da hetaha incydentu budzie atrymana niezaležnaja vysnova ekspertaŭ, jakaja dazvolić upeŭnicca ŭ tym, što ŭ časie ŭciečki nie było nijakich pabočnych vykidaŭ, — patłumačyŭ jon. — Adnak hety incydent musić pasłužyć prykładam dla tych, chto, vykarystoŭvajučy atamnuju enerhiju, stavić pad pahrozu žyćcio svajoj krainy. Tyja, chto źbirajecca budavać novyja AES, pavinny zadumacca nad hetym i admovicca ad jadravych technalohij».
Stancyja zabiaśpiečvaje kala 20% elektraspažyvańnia ŭ Słavienii j prykładna 15% u Charvatyi, jakaja taksama jość ułaśnikam pradpryjemstva. Miarkujecca, što da 2017 hodu na AES u Kršcy budzie zapuščany druhi reaktar.
Fota — Nuklearna Elektrarna Krško
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary