Alaksandr Łukašenka zacikaŭleny ŭ tym, kab na vybarach u biełaruski parłamient prajšli sapraŭdnyja prafiesijanały niezaležna ad ich palityčnych pierakanańniaŭ. Ab hetym kiraŭnik Biełarusi zajaviŭ siońnia na sustrečy z kiraŭnikami misii ABSIE pa nazirańni za parłamienckimi vybarami ŭ Biełarusi.
U sustrečy pryniali ŭdzieł śpiecyjalny kaardynatar misii karotkaterminovych naziralnikaŭ ABSIE na vybarach u Pałatu pradstaŭnikoŭ, namieśnik staršyni PA ABSIE Kient Charsted i kiraŭnik misii BDIPČ ABSIE pa nazirańni za vybarami Kajatana de Zułujeta Oŭtram.
«Ja vielmi zacikaŭleny, kab u naš parłamient pryjšli sapraŭdnyja prafiesijanały. Nie važna, chto jany buduć pa svaich palityčnych pierakanańniach. Paviercie, u parłamiencie pavinny pracavać ludzi, jakija ŭmiejuć pracavać i pisać zakony», — padkreśliŭ Alaksandr Łukašenka.
«Vy dobra znajomyja z parłamienckaj pracaj. Ja taksama byŭ deputatam. Heta pierš za ŭsio zakanatvorčaść. I naš parłamient hetamu nadaje asnoŭnuju ŭvahu. Heta samaja hałoŭnaja jaho zadača. I ŭ hetym płanie ja zacikaŭleny, kab tam byli prafiesijanały. Za tyja hady, kali ja pracuju prezidentam, ja nie mahu skazać, kab u nas byŭ nieprafiesijny parłamient. Heta byli patryjoty, jakija šanujuć svaju krainu i jakija ŭmiejuć pracavać», — skazaŭ kiraŭnik dziaržavy.
«A palityčnyja pierakanańni pavinny spryjać raźvićciu krainy. Kali heta nasupierak, to heta ŭžo nie pradstaŭnik naroda», — adznačyŭ biełaruski lidar.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary