Dziaržaŭny doŭh Respubliki Biełaruś na 1 žniŭnia 2016 hoda skłaŭ 35,9 młrd rubloŭ i pavialičyŭsia ŭ paraŭnańni z pačatkam hoda na 3 młrd rubloŭ, abo na 9,3%, paviedamlaje Ministerstva finansaŭ.Źniešni dziarždoŭh na 1 žniŭnia 2016 hoda skłaŭ 13,3 młrd dołaraŭ ZŠA, pavialičyŭšysia z pačatku hoda na 847 młn dołaraŭ (z ulikam kursavych roźnic), abo na 6,8%.
U studzieni—lipieni byli pryciahnutyja źniešnija dziaržaŭnyja pazyki na 1 młrd 303,4 młn dołaraŭ: 800 młn dołaraŭ — Jeŭrazijskaha fondu stabilizacyi i raźvićcia; 276,9 młn dołaraŭ — urada i bankaŭ Rasijskaj Fiederacyi; 179,5 młn dołaraŭ — bankaŭ KNR; 46,6 młn dołaraŭ — Mižnarodnaha banka rekanstrukcyi i raźvićcia (MBRR); 0,4 młn dołaraŭ — Jeŭrapiejskaha banka rekanstrukcyi i raźvićcia.
Pahašeńnie źniešniaha dziaržaŭnaha doŭhu z pačatku 2016 hoda skłała 525,8 młn dołaraŭ: 176,6 młn dołaraŭ — Jeŭrazijski fond stabilizacyi i raźvićcia; 162,5 młn dołaraŭ — urad Rasijskaj Fiederacyi; 165,6 młn. dołaraŭ — banki KNR; 20,4 młn dołaraŭ — MBRR; 0,7 młn dołaraŭ — ZŠA.
Zhodna sa źviestkami Minfina, unutrany dziaržaŭny doŭh na 1 žniŭnia skłaŭ 9,4 młrd rubloŭ, źmienšyŭšysia z pačatku hoda na 0,4 rubloŭ (z ulikam kursavych roźnic), abo na 3,8%.
Za studzień—lipień było raźmieščana ŭnutranych valutnych i rublovych dziaržaŭnych ablihacyj dla jurydyčnych i fizičnych asob na 670,1 młn dołaraŭ ZŠA i 493,1 młn rubloŭ. Kampiensavana valutnych i rublovych dziaržaŭnych ablihacyj dla jurydyčnych i fizičnych asob na 1.136,0 młn dołaraŭ ZŠA i 596,2 młn rubloŭ.
Źviestki dadzienyja z ulikam denaminacyi.
Nahadajem, za 2015 hod dziaržaŭny doŭh Respubliki Biełaruś vyras na 131,1 trłn rubloŭ, abo na 66,4%, i na 1 studzienia 2016 hoda skłaŭ 328,6 trłn.
Pry hetym źniešni dziarždoŭh na 1 studzienia 2016 hoda skłaŭ 12,4 młrd dołaraŭ ZŠA, źmienšyŭšysia z pačatku 2015 hoda na 133,9 młn dołaraŭ (z ulikam kursavych roźnic), abo na 1,1%.
Limit źniešniaha dziaržaŭnaha doŭhu Biełarusi na 2016 hod ustanoŭleny ŭ 17 młrd dołaraŭ — heta praduhledžana zakonam ab biudžecie. Limit unutranaha dziaržaŭnaha doŭhu ŭstanoŭleny na 2016 hod u 115 trłn rubloŭ.
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali22
Kamientary