Na ŭčastku adkaznaści Smarhonskaj pamiežnaj hrupy ŭ minułyja vychadnyja dni pamiežniki spynili niezakonny maršrut troch hrup nielehalnych mihrantaŭ.
Jak paviedamlaje Dziaržaŭny pamiežny kamitet Biełarusi, ranicaj 2 vieraśnia pa infarmacyi miascovaha nasielnictva ŭ Astravieckim rajonie smarhonskija pahraničniki vyjavili prykmiety niezakonnaha pierasiačeńnia miažy. Infarmacyja apieratyŭna była pieradadziena supracoŭnikam Ihnalinskaha pamiežatrada Litvy, jakija praz hadzinu paviedamili pra zatrymańnie ŭ dadzienym rajonie 10 vjetnamcaŭ i rasijanina.
Nočču 4 vieraśnia ŭ susiednim Pastaŭskim rajonie kiroŭca aŭtamabila Ford Transit praihnaravaŭ kamandu pamiežnaha narada ab prypynku i pasprabavaŭ źjechać, ale byŭ zatrymany. U inšamarcy vyjaŭleny 10 hramadzian Vjetnama, 2 — Rasii i 2 — Biełarusi.
Siońnia ŭ ranišnija hadziny da kropki pryznačeńnia nie dajechali 8 vychadcaŭ z Paŭdniova-Uschodniaj Azii. Pa pamiežžy jany ruchalisia na dvuch aŭtamabilach «Kia» i «Opel», jakimi kiravali hramadzianie Rasii i Armienii.
Raspačatyja administracyjnyja pracesy pa art. 23.29 (niezakonnaje pierasiačeńnie dziaržaŭnaj miažy), 23.30 (parušeńnie pamiežnaha režymu), 23.4 (niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni joj słužbovych paŭnamoctvaŭ). Viadziecca dalejšaje raźbiralnictva, pa vynikach jakoha budzie dadziena pravavaja acenka.
Z pačatku hoda supracoŭniki biełaruskaj pamiežnaj słužby pryciahnuli da adkaznaści za parušeńnie dziaržaŭnaj hranicy 25 hramadzian Vjetnama. Im vyniesienyja papiaredžańni z departacyjaj abo nakładadzienyja štrafy u pamiery da piacidziesiaci bazavych vieličyń z departacyjaj abo bieź jaje.
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»12
Kamientary