Šef biełaruskaj misii na Paralimpijadzie ŭ Rya Mikałaj Šudziejka raspavioŭ, što našy spartoŭcy aburanyja učynkam prystaŭlenaha da delehacyi čynoŭnika Andreja Fomačkina, jaki vyjšaŭ na cyrymoniju adkryćcia z rasijskim ściaham.
«Kamanda maje namier dystancyjavacca ad Fomačkina. Mnie zdajecca, što niekatoryja koły ŭ našaj krainie sprabujuć vykarystoŭvać našu kamandu ŭ jakaści instrumienta dla dasiahnieńnia niejkich palityčnych metaŭ. My ŭsie vielmi aburanyja takimi krokami. Pachvały na adras Fomačkina z boku rasiejskaha ŭrada vielmi nas chvalujuć.
Paśla cyrymonii ja zapatrabavaŭ ad Fomačkina tłumačeńniaŭ. Jon skazaŭ mnie, što jon rasiejec pa pachodžańni — Fomačkin naradziŭsia i doŭhi čas žyŭ u Rasii — i chacieŭ by vykazać padtrymku rasijskim paralimpijcam, jakich nie puścili ŭ Rya.
Ja paniaćcia nie mieŭ, što hety čałaviek źbirajecca raspačać takija dziejańni. Ja byŭ uzrušany, ubačyŭšy ŭ jaho rukach rasijski ściah padčas cyrymonii. Ja paprasiŭ Fomačkina prybrać ściah, jon zrabiŭ heta tolki z druhoha razu.
Fomačkin byŭ akredytavany ŭ jakaści hościa prezidenta NPK Biełarusi Aleha Šepiela, Fomačkin nie byŭ členam našaj delehacyi i vyrašyŭ uziać udzieł u cyrymonii adkryćcia ŭ samy apošni momant.
Usie biełaruskija spartoŭcy i słužbovyja asoby škadujuć pra hety vypadak. Jany nie chočuć być ŭciahnutyja ŭ parušeńnie praviłaŭ spabornictvaŭ. Usie jany asudzili dziejańni Fomačkina. Heta maja vina, što ja nie zmoh praduchilić hety incydent.
Pierad cyrymonijaj ja prainstruktavaŭ ŭsich členaŭ delehacyi, raspavioŭ, što palityčnyja simvały i łozunhi zabaronienyja. Usie spartoŭcy stroha vykonvali hetyja praviły», — skazaŭ Šudziejka u intervju The Guardian.
Kamientary