Pravaachoŭniki zatrymali minčuka pa padazreńni ŭ ździajśnieńni chulihanskich dziejańniaŭ — jon paškodziŭ nažom pryparkavany aŭtamabil, paviedamiła pres-aficer Centralnaha RUUS Taćciana Aboznaja.
«Uładalnik aŭtamabila niezadoŭha da zdareńnia pryjechaŭ da chaty i pakinuŭ aŭto na parkoŭcy. Da jaho źviarnuŭsia mužčyna, žadajučy zavieści razmovu, adnak haspadar mašyny admoviŭsia razmaŭlać, spasyłajučysia na toje, što śpiašajecca. Znachodziačysia ŭ kvatery, jon ubačyŭ praz akno, što kala jaho mašyny znachodzicca mužčyna, jaki sprabavaŭ zahavaryć ź im, i nanosić udary nažom pa kołach. Aŭtaŭładalnik tut ža vyklikaŭ milicyju», — raspaviała Taćciana Aboznaja.
Jak vyśvietliłasia, 36-hadovy minčanin takim sposabam vyrašyŭ spahnać svaju kryŭdu za admovu ŭładalnika razmaŭlać ź im — spačatku parezaŭ dva koły, paśla čaho stuknuŭ nahoj pa bakavym škle.
Raspačataja kryminalnaja sprava pa č.1 art.339 KK Biełarusi, maksimalnaje pakarańnie jakoj praduhledžvaje pazbaŭleńnie voli na termin da 3 hadoŭ.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary