Ministerstva sportu patłumačyła, čamu nie adpravić u adstaŭku Aleha Šepiela
Hrupa hramadzian, jakija źviarnulisia ŭ Ministerstva sportu z kalektyŭnaj prośbaj adchilić ad pasady staršyniu Paralimpijskaha kamiteta Aleha Šepiela, atrymali aficyjny adkaz.
«Šepiel Aleh Alaksandravič, Zasłužany majstar sportu SSSR, piacirazovy čempijon Paralimpijskich hulniaŭ, źjaŭlajecca staršynioj hramadskaha abjadnańnia «Paralimpijski kamitet Respubliki Biełaruś», jakoje ažyćciaŭlaje svaju dziejnaść ŭ adpaviednaści z Kanstytucyjaj, zakonam «Ab hramadskich abjadnańniach», statutam. Pasada staršyni Paralimpijskaha kamiteta źjaŭlajecca vybarnaj i zakon «Ab dziaržaŭnaj słužbie» na A.A.Šepiela nie raspaŭsiudžvajecca».
Pietycyja była stvoranaja paśla skandalnaj zajavy Šepiela. «Ja navat daručyŭ uziać na adkryćcio Hulniaŭ u Rya biełaruskija i, adnaznačna, rasijskija ściahi. U mianie jany dakładna tam buduć», — zajaviŭ jon tady. Nieŭzabavie Šepiel abvierhnuŭ svaje płany, ale čynoŭnik Minsportu Andrej Fomačkin usio ž uźniaŭ rasijski ściah padčas cyrymonii adkryćcia Paralimpijady.
Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja8
Kamientary