Rasija ŭžyła ŭ Siryi najnoŭšyja rakiety pavietranaha baziravańnia X-101, raspavioŭ na vajskova-techničnaj kanfierencyi ministr abarony Rasii Siarhiej Šajhu. Jaho cytuje «Interfaks».
«Samaloty stratehičnaj avijacyi ŭ realnaj bajavoj abstanoŭcy ŭpieršyniu ŭžyli novyja rakiety pavietranaha baziravańnia Ch-101 z dalokaściu dziejańnia da 4,5 tysiač kiłamietraŭ», — skazaŭ jon.
Taksama ministr raskazaŭ, što ŭ Siryi rasijskaja armija atrymała praktyčny vopyt strelbaŭ vysokadakładnaj zbrojaj vialikaj dalnaści z nadvodnych karabloŭ i padvodnych łodak z akvatoryj Kaśpijskaha i Mižziemnaha moraŭ.
U listapadzie minułaha hoda, krychu bolš čym praź miesiac paśla pačatku rasijskaj vajennaj apieracyi ŭ Siryi, brytanskaje vydańnie Jane's Information Group pisała, što Rasija ŭpieršyniu ŭžyła najnoŭšyja kryłatyja rakiety X-101. Ekśpierty zmahli apaznać hetyja rakiety na videazapisie Minabarony RF. Aficyjnaha paćvierdžańnia hetaj infarmacyi nie było.
Rakiety X-101 raspracoŭvalisia ŭ padmaskoŭnaj Dubnie, u mašynabudaŭničym kanstruktarskim biuro «Raduha», jakoje ŭvachodzić u AAT «Karparacyja taktyčnaje rakietnaje ŭzbrajeńnie», ad 1995 pa 2013 hod. Dalokaść palotu rakiety - zvyš piaci tysiač kiłamietraŭ. Isnuje taksama madyfikacyja rakiety X-102, jakaja moža nieści jadziernuju bojehałoŭku.
Kamientary