Abvinavačvańnie prosić asudzić byłoha hiendyrektara CHK «Dynama» Subotkina na 6 hadoŭ źniavoleńnia
U sudzie Pieršamajskaha rajona horada Minska adnaviŭsia razhlad spravy ŭ dačynieńni da byłoha hiendyrektara chakiejnaha «Dynama» Maksima Subotkina.
Paśla dopytu abvinavačanaha sud byŭ pieraniesieny na vosiem dzion u suviazi z vyklikam śviedki abarony. Tady jaho imia nie nazyvałasia, nie stała viadoma i siońnia ŭ suviazi ź jaho niajaŭkaj.
Pa hetaj pryčynie ŭ sudzie pačalisia sprečki abvinavačańnia i abarony. Dziaržabvinavaŭca miarkuje, što vina Maksima Subotkna dakazanaja i prosić asudzić jaho da šaści hadoŭ pazbaŭleńnia voli ŭ kałonii ŭzmocnienaha režymu i kanfiskacyi majomaści.
***
Maksim Subotkin byŭ zatrymany ŭ lipieni 2015 hoda. Były top-mieniedžar chakiejnaha kłuba «Dynama» abvinavačvajecca ŭ złoŭžyvańni słužbovymi paŭnamoctvami, što paciahnuła ciažkija nastupstvy ŭ vyhladzie naniasieńnia ŭronu ŭ asabliva bujnym pamiery (č. 3 art. 424), u zavałodańni hrašovymi srodkami kłuba z vykarystańniem słužbovych paŭnamoctvaŭ (č. 4 art. 210) i ŭ pieravyšeńni ŭłady abo słužbovych paŭnamoctvaŭ (č. 3 art. 426).
Subotkin pryznaŭ pryčynieńnie škody pa artykułach 424 (č. 3) i 426 (č. 3), ale zajaviŭ, što nie mieŭ karyślivych metaŭ. Pa «epizodu z Sahyndykavym» abvinavačvany svajoj viny nie pryznaŭ.
Subotkin kampiensavaŭ 2,3 młrd rubloŭ (da denaminacyi), ale ŭ pamiłavańni jamu było admoŭlena.
Kamientary