Абвінавачванне просіць асудзіць былога гендырэктара ХК «Дынама» Суботкіна на 6 гадоў зняволення
У судзе Першамайскага раёна горада Мінска аднавіўся разгляд справы ў дачыненні да былога гендырэктара хакейнага «Дынама» Максіма Суботкіна.
Пасля допыту абвінавачанага суд быў перанесены на восем дзён у сувязі з выклікам сведкі абароны. Тады яго імя не называлася, не стала вядома і сёння ў сувязі з яго няяўкай.
Па гэтай прычыне ў судзе пачаліся спрэчкі абвінавачання і абароны. Дзяржабвінаваўца мяркуе, што віна Максіма Суботкна даказаная і просіць асудзіць яго да шасці гадоў пазбаўлення волі ў калоніі ўзмоцненага рэжыму і канфіскацыі маёмасці.
***
Максім Суботкін быў затрыманы ў ліпені 2015 года. Былы топ-менеджар хакейнага клуба «Дынама» абвінавачваецца ў злоўжыванні службовымі паўнамоцтвамі, што пацягнула цяжкія наступствы ў выглядзе нанясення ўрону ў асабліва буйным памеры (ч. 3 арт. 424), у завалоданні грашовымі сродкамі клуба з выкарыстаннем службовых паўнамоцтваў (ч. 4 арт. 210) і ў перавышэнні ўлады або службовых паўнамоцтваў (ч. 3 арт. 426).
Суботкін прызнаў прычыненне шкоды па артыкулах 424 (ч. 3) і 426 (ч. 3), але заявіў, што не меў карыслівых мэтаў. Па «эпізоду з Сагындыкавым» абвінавачваны сваёй віны не прызнаў.
Суботкін кампенсаваў 2,3 млрд рублёў (да дэнамінацыі), але ў памілаванні яму было адмоўлена.
Каментары