Rasijskija śledčyja orhany vystavili abvinavačańnie ŭ špijanažy ŭkrainskamu žurnalistu Ramanu Suščanku, zatrymanamu ŭ Maskvie ŭ kancy vieraśnia. Pa słovach advakata zatrymanaha Marka Fiejhina, jaho klijent pakul admoviŭsia davać pakazańni.
Advakat rastłumačyŭ, što takoje rašeńnie Suščanka pryniaŭ z-za taho, što nie paśpieŭ uzhadnić ź im svaju pazicyju. Pry hetym čakajecca, što paśla sustrečy z advakatam ukrainiec usio ž daść pakazańni ŭ piśmovaj formie.
Usiaho, pa słovach Fiejhina, u abvinavaŭčym zaklučeńni pieraličanyja niekalki epizodaŭ. U padrabiaznaści advakat udavacca nie staŭ, skazaŭšy tolki, što ŭsie jany zdajucca jamu biespadstaŭnymi. «Žurnalist nie źjaŭlajecca špijonam, heta nonsens», — zajaviŭ advakat.
Suščanku zatrymali ŭ Maskvie ŭ kancy vieraśnia, adnak u ŚMI infarmacyja pra jaho zatrymańnie źjaviłasia tolki 3 kastryčnika. Pa słovach člena maskoŭskaj Hramadskaj naziralnaj kamisii Zoi Śvietavaj, jana vypadkova ŭbačyła jaho pry naviedvańni śledčaha izalatara «Lefortava».
U toj ža dzień zatrymańnie Suščanki paćvierdziła FSB. U viedamstvie ličać, što ŭ Rasii jon «źbiraŭ źviestki ab dziejnaści Uzbrojenych Sił i vojskaŭ Nacyjanalnaj hvardyi Rasijskaj Fiederacyi, jakija ŭjaŭlajuć ź siabie dziaržaŭnuju tajamnicu».
Sam Suščanka vinu nie pryznaje i zaznačaje, što pracuje karespandentam ukrainskaha infarmahienctva «Ukrinfarm». Tam paćvierdzili, što Suščanka pracuje ŭ ich z 2002 hoda, pryčym apošnija šeść hadoŭ — ułasnym karespandentam u Francyi, a ŭ Maskvu jon pryjechaŭ u adpačynak.
Ukrainski bok zajaŭlaŭ, što Rasija admaŭlajecca puścić da Suščanki jaje konsuła. U suviazi z hetym užo rasijski konsuł u Kijevie byŭ vyklikany 6 kastryčnika va ŭkrainski MZS, ale nie źjaviŭsia.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary