ZŠA stvarajuć z Rasii vobraz voraha dla ŭnutrypalityčnych metaŭ, ličyć prezident RF. Paśla vybaraŭ napružańnie spadzie, i rasijska-amierykanskija adnosiny mohuć palepšycca.
Prezident Rasii Uładzimir Pucin zajaviŭ, što spadziajecca na palapšeńnie rasijska-amierykanskich adnosin paśla zakančeńnia prezidenckich vybaraŭ u ZŠA.
«Spadziajusia, kali projduć hetyja debaty, hety składany pieryjad unutrypalityčnaha žyćcia ŭ ZŠA, buduć šancy adnavić adnosiny Rasii i ZŠA», — zajaviŭ Pucin pa vynikach samitu BRIKS u niadzielu, 16 kastryčnika.
Pucin taksama vykazaŭ mierkavańnie, što ZŠA vykarystoŭvajuć «napracavanuju schiemu» adciahvańnia ŭvahi vybarščykaŭ ad svaich ułasnych prablem.
«Jak heta zrabić? Stvaryć, naprykład, vobraz voraha», — skazaŭ jon. Raniej, pa słovach Pucina, voraha rabili ź Irana, ale jon atrymaŭsia «nie vielmi vialikim i efiektyŭnym». «U vypadku z Rasijaj heta bolš cikava. Na moj pohlad, hetaja karta ciapier i razyhryvajecca», — zajaviŭ Pucin.
Prezident RF raskrytykavaŭ mahčymyja sankcyi suprać Rasii ŭ suviazi ź situacyjaj u Siryi. Sankcyi, pavodle jaho słoŭ, «nie vyrašajuć kankretnych prablem» i «nie dasiahajuć svaich metaŭ».
Što zapisana aficyjnaj pryčynaj śmierci adzinaha syna Jarmošynaj?4
Kamientary