Žychar Pastaŭskaha rajona, jaki zabiŭ piensijanierku i napaŭ ź siakieraj na paštaljona, prysudžany da 22 hadoŭ kałonii, paviedamili BiełTA ŭ prakuratury Viciebskaj vobłaści.
Žychar Pastaŭskaha rajona za žorstkaje zabojstva piensijanierki i napad na paštaljona asudžany na 22 hady pazbaŭleńnia voli z kanfiskacyjaj majomaści i adbyvańniem pakarańnia ŭ papraŭčaj kałonii va ŭmovach ŭzmocnienaha režymu. Prysud, vyniesieny ŭ Pastavach sudovaj kalehijaj pa kryminalnych spravach Viciebskaha abłasnoha suda, ustupiŭ u zakonnuju siłu.
Złačynstvy (razboj i zabojstva) byli ździejśnieny 15 studzienia hetaha hoda ŭ vioscy Baranavičy. Mužčyna 56-hadoŭ padmannym šlacham prabraŭsia ŭ dom pažyłoj žančyny 1941 hoda naradžeńnia. Skazaŭ, što jamu terminova treba patelefanavać, ale, apynuŭšysia ŭ žylli, mužčyna prosta paprasiŭ u haspadyni hrošaj. Atrymaŭšy admovu, vierałomny hość napaŭ na žančynu — nanios jaje abuchom siakiery nie mienš jak 7 udaraŭ pa hałavie, pryčyniŭšy žančynie adkrytuju čerapna-mazhavuju traŭmu. Piensijanierka pamierła na miescy.
Kryvavaja drama atrymała praciah. Praź niekatory čas u chatu, dzie było ździejśniena zabojstva, naviedałasia paštaljon, jakaja pryniesła žančynie piensiju. Mužčyna ź siakieraj napaŭ i na paštaljona, ale joj udałosia ŭciačy.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary