U chodzie raspačataha ŭ Bałharyi druhoha tura prezidenckich vybaraŭ hramadzianam krainy treba budzie zrabić vybar pamiž prazachodnim kandydatam Ceckaj Cačavaj i prarasiejskim Rumienam Radzievym.
U Bałharyi ŭ niadzielu, 13 listapada, prachodzić druhi tur prezidenckich vybaraŭ, paviedamlaje DW. Na vyšejšuju dziaržaŭnuju pasadu ŭ najbiadniejšaj krainie Jeŭrasajuza pretendujuć dva kandydaty, jakija atrymali lepšyja vyniki ŭ chodzie pieršaha tura — heta staršynia parłamienta Cecka Cačava, 58-hadovaja jurystka z partyi «Hramadzianie za jeŭrapiejskaje raźvićcio Bałharyi» (HIERB), i 53-hadovy biespartyjny hienierał u adstaŭcy Rumien Radzieŭ, jaki bałatujecca ad apazicyjnych sacyjalistaŭ i vystupaje za bolš ciesnyja suviazi z Maskvoj.
Favarytam ličycca prarasiejski kandydat Radzieŭ — pavodle roznych sacapytańniaŭ, za jaho hatovy prahałasavać 40-55 pracentaŭ vybarščykaŭ, u toj čas jak za Cačavu — 39-45 pracentaŭ.
Ad vynikaŭ vybaraŭ zaležyć dalejšy los pravacentrysckaha ŭrada ŭ Safii. Premjer-ministr Bojka Barysaŭ, taksama pradstaŭnik partyi HIERB, abiacaŭ, što jaho kabiniet padaść u adstaŭku, kali Cačava nie atrymaje pieramohu. U takim vypadku krainu čakaje ŭžo treci ŭradavy kryzis za try hady.
Ciapierašni kiraŭnik dziaržavy, pierakanany prazachodni prezident Rosien Pleŭnielijeŭ, admoviŭsia bałatavacca na novy termin.
Pašpart Novaj Biełarusi pačnuć vydavać z 26 studzienia. Što viadoma i jak atrymać?46
Kamientary