Jon moža zakryć vychad z Dackich pralivaŭ u Bałtyjskaje mora i achoplivaje ŭsie mahčymyja celi na terytoryi Polščy.
Hrupoŭka vojskaŭ u Kalininhradskim asablivym rajonie ŭzmocnienaja dyvizijonam bierahavoha rakietnaha kompleksu «Bastyjon», paviedamiła ŭ paniadziełak «Interfaksu» krynica, znajomaja ź situacyjaj. Jana ŭdakładniła, što dyvizijon uvajšoŭ u skład rakietnaha złučeńnia Bałtyjskaha fłotu.
Ruchomy bierahavy rakietny kompleks «Bastyjon» z unifikavanaj zvyšhukavoj samanavodnaj supraćkarabielnych rakietaj «Oniks» pryznačany dla abarony marskoha ŭźbiarežža praciahłaściu zvyš za 600 km i paražeńnia nadvodnych karabloŭ roznych kłasaŭ i typaŭ, jakija dziejničajuć u składzie desantnych złučeńniaŭ, kanvojaŭ, karabielnych i avijanosnych udarnych hrup, a taksama adzinočnych karabloŭ i naziemnych radyjokantrasnych celaŭ va ŭmovach intensiŭnaha ahniavoha i radyjoelektronnaha procidziejańnia.
Bojekamplekt adnaho kompleksu moža ŭklučać da 36 rakiet. Rakieta maje zaharyzontnuju dalokaść stralby. U joj realizavany pryncyp «streliŭ — zabyŭsia».
Jak paviedamiŭ 15 listapada ministr abarony RF hienierał armii Siarhiej Šajhu ŭ suviazi z vykarystańniem «Oniksaŭ» pa naziemnych celach terarystaŭ u Siryi, «tudy pastaŭlenyja bierahavyja kompleksy «Bastyjon», jakija faktyčna zakryli ŭsio ŭźbiarežža, i na siońniašni dzień my hetymi kompleksami ŭ stanie paražać jak marskija, tak i naziemnyja celi na adlehłaści 350 km mora i amal 450 km sušy».
Pavodle acenak vajennych ekśpiertaŭ, padobnaja dalokaść pry razhortvańni «Bastyjonu» ŭ Kalininhradskaj vobłaści i jaho zdolnaść pracavać pa naziemnych celach dazvalaje hetamu kompleksu ŭ vypadku nieabchodnaści zakryć vychad z Dackich pralivaŭ u Bałtyjskaje mora dla karabloŭ patencyjnaha praciŭnika, a taksama «zakryć» usie mahčymyja celi na terytoryi Polščy.
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary