BPC zabaraniła Burykinu nasić vopratku śviatara, a paśla vyrašyć, ci pazbaŭlać sanu
Spravaj nastajaciela pravasłaŭnaha prychodu ŭ Hatava Kanstancina Burykina, jaki byŭ zatrymany za niezakonnyja dziejańni ŭ dačynieńni da bojeprypasaŭ, zajmajecca dyscyplinarnaja kamisija Biełaruskaha ekzarchata.
«Pryniata rašeńnie ab zabaronie Burykinu pravodzić nabaženstvy, nasić vopratku śviatara, jaho spravaj u ciapierašni čas zajmajecca dyscyplinarnaja kamisija Ekzarchata», — paviedamiŭ pres-sakratar Biełaruskaj pravasłaŭnaj carkvy protaijerej Siarhiej Lepin.
Pavodle jaho słoŭ, Burykin jašče nie pazbaŭleny sanu śviatara. «Adnosna jaho dziejańniaŭ budzie pasiedžańnie Carkoŭnaha kananičnaha suda Biełaruskaha ekzarchata. I sud budzie prymać rašeńnie ab pazbaŭleńnie jaho sanu śviatara», — skazaŭ surazmoŭca.
Pry hetym jon udakładniŭ, što carkoŭny sud budzie zasiadać paśla taho, jak budzie abvieščany prysud suda pa jaho kryminalnaj spravie.
Pres-sakratar BPC raspavioŭ, što padobnych vypadkaŭ nie było. «Byli adzinkavyja vypadki, kali śviatara pazbaŭlali sanu. Zdarajecca, što pa rašeńni Carkoŭnaha suda śviataru zabaraniajuć ździajśniać nabaženstva — spaviadać, pryčaščać, ale jon zastajecca śviatarom», — adznačyŭ jon.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary