Prezident Linava: Prablema litoŭskich fur u Biełarusi budzie vyrašacca tolki ŭ nastupnym hodzie

Litoŭskija ciahačy, jakija zatrymalisia ŭ Biełarusi, dahetul nie mohuć pakinuć susiedniuju krainu, zajaviŭ prezident asacyjacyi Linava Erłandas Mikienas. Pavodle jaho słoŭ, pieravozčyki nie spadziajucca na «kaladny cud» i ličać, što prablema ź ciahačami pieraniasiecca na nastupny hod, piša Delfi.lt.

«Nastroj u pieravozčykaŭ kiepski. Nijakaha ruchu hruzavikoŭ niama, a infarmacyja, jakoj dzielicca premjer-ministr, — ja nie ŭjaŭlaju, adkul jana jaje ŭziała i chto joj heta skazaŭ. My kantaktavali z kalehami ŭ Polščy i ŭ Biełarusi, i, pavodle našych źviestak, situacyja takaja ž, jak i raniej: ciahačy zatrymalisia i nie mohuć pieramiaščacca», — skazaŭ Mikienas.

«Kalady, jak kažuć, čas cudaŭ. Pieravozčyki spadziavalisia, što da śviataŭ situacyja źmienicca, ale ciapier nadziej niašmat. Ja pierakanany, što prablema piarojdzie ŭ nastupny hod», — praciahnuŭ jon.

Pavodle jaho słoŭ, urad nie adreahavaŭ na pratest Linava na praśpiekcie Hiedymina ŭ Vilni. «Paśla pratestu, padčas jakoha my pieradali ŭradu pietycyju z patrabavańniami, nijakaha adkazu nie było», — adznačyŭ Mikienas.

Jon zapeŭniŭ, što źviestki pra kolkaść ciahačoŭ u Biełarusi pravilnyja, ale nie moža harantavać, što aficyjnyja danyja pieradadzienyja ŭradu.

«U nas tyja ž samyja źviestki — u Biełarusi zatrymalisia 4000 litoŭskich ciahačoŭ. Praŭda, aficyjnyja danyja my sami pieradać nie možam, bo ŭ Litvie jość jašče niekalki asacyjacyj i niezaležnych kampanij, źviestak jakich u nas niama. U lubym vypadku tolki ciahačoŭ Linava, ja harantuju, tam bolš, čym paviedamlaje ŭrad abo Mytny departamient», — skazaŭ Mikienas. «Aficyjnyja danyja z usimi numarami aŭtamabilaŭ jašče ŭzhadniajucca», — dadaŭ jon.

U aŭtorak ministr transpartu Juras Taminskas zajaviŭ žurnalistam, što nie moža paćvierdzić hetuju infarmacyju.

Pavodle jaho słoŭ, Linava spačatku pavinna padličyć, kolki ciahačoŭ znachodzicca ŭ Biełarusi, i padać danyja ŭradu. Jon padkreśliŭ, što pakul Linava nie padaść hetyja źviestki, hetaje pytańnie abmiarkoŭvacca nie budzie. Pavodle Taminskasa, dazvoły na vyjezd transpartu na Uschod vydaje Litoŭskaja administracyja biaśpiečnaha transpartu, pavodle danych jakoj takija dazvoły majuć 2600 ciahačoŭ.

Mikienas śćviardžaje, što hetyja źviestki nieaktualnyja, bo pieravozčyki bolšuju častku dazvołaŭ nabyvajuć niepasredna ŭ Biełarusi.

«Kali ministr pra heta nie viedaje abo nie źviartaje na heta ŭvahi, tady składana niešta kazać», — adznačyŭ kiraŭnik asacyjacyi Linava.

Raniej paviedamlałasia, što, pavodle padlikaŭ Linava, straty pieravozčykaŭ dasiahajuć 100 młn jeŭra i praciahvajuć raści. Abnoŭlenyja danyja asacyjacyja pradstavić u pačatku studzienia.

• 1
• 0
• 0
• 1
• 0
• 0
• 0
• 0