TBM prapanoŭvaje Minadukacyi stvaryć biełaruskamoŭnyja himnazii ŭ kožnym rajonie Biełarusi
Hramadskaje abjadnańnie «Tavarystva biełaruskaj movy imia Franciška Skaryny» prapanuje Ministerstvu adukacyi stvaryć himnazii ź biełaruskaj movaj navučańnia ŭ kožnym rajonie Biełarusi. Adozva na imia ministra adukacyi Michaiła Žuraŭkova była pryniataja 27 listapada na pasiadžeńni rady TBM.
«Na sustrečy z deputatami Pałaty pradstaŭnikoŭ kiraŭnik našaj krainy zajaviŭ pra nieabchodnaść palapšeńnia situacyi ź biełaruskaj movaj u śfiery adukacyi, — havorycca ŭ zvarocie. — U suviazi z hetym prapanujem vam pryniać rašeńnie ab stvareńni himnazij ź biełaruskaj movaj navučańnia ŭ kožnym rajonie našaj krainy. Heta zdymie pytańnie ab navučańni dziaciej na biełaruskaj movie ŭ suviazi z zakryćciom małakamplektnych škoł u vioskach, a taksama padvysić uzrovień adukacyi vučniaŭ».
Jak ličać u TBM, pačać stvareńnie sietki biełaruskich himnazij možna z centralnych rajonaŭ Minskaj vobłaści, da prykładu, Staŭbcoŭskaha, jaki źviazany z žyćciom i dziejnaściu kłasika biełaruskaj litaratury Jakuba Kołasa, i Niaśvižskaha, «dzie na vysokim mižnarodnym uzroŭni papularyzujecca naša słaŭnaja historyka-kulturnaja spadčyna».
Nahadajem, 7 kastryčnika, vystupajučy sa zvarotam da deputataŭ Pałaty pradstaŭnikoŭ i členaŭ Savieta Respubliki Nacyjanalnaha schodu Biełarusi piataha i šostaha sklikańniaŭ, Alaksandr Łukašenka zajaviŭ: «Biełarusi varta zabycca pra paniaćcie «vorah» ci «svoj», nie admaŭlacca ad ruskaj kultury, ale i pamiatać pra toje, što my biełarusy i ŭ nas jość svaja mova».
«Niekatoryja damarosłyja znaŭcy na ŭschodzie pačynajuć nas paprakać u zališniaj biełaruskaści. Što za hłupstva? My nacyja, a ŭ kožnaj nacyi jość svaje prykmiety. I hałoŭnaje, akramia terytaryjalnaj cełasnaści i suvierennaści, — heta mova. Čamu my pavinny admovicca ad biełaruskaj movy?» — zajaviŭ Łukašenka.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha13
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu112112
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu112
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary