Małady biełarus u Padmaskoŭi raźbiŭ hubu načalniku adździeła palicyi
Kirył Karłoŭski spačatku biez daj pryčyny ŭdaryŭ nieznajomuju žančynu kala kramy, a paśla zatrymańnia zalapiŭ i palicejskamu.
23‑hadovaha biełarusa Kiryła Karłoŭskaha nie mahli supakoić usim adździaleńniem palicyi ŭ Padmaskoŭi.
Uradženiec Karmy advučyŭsia ŭ PTV u Słaŭharadzie. Jašče padletkam adznačyŭsia raźbitymi dźviaryma ŭ sielskim domie kultury. A paśla pajechaŭ skarać Rasiju.
Praŭda, praz dramatyčnyja padziei kala kramy «Mahnit» u mikrarajonie Biełyja Staŭby kala Damadziedava (30 km ad Maskvy) jaho płany vymušana źmianilisia.
Karłoŭski padyšoŭ da nieznajomaj žančyny i ŭdaryŭ kułakom u tvar. U jaje zastaŭsia siniak na voku.
Na miesca vyklikali dvuch apieratyŭnikaŭ, jakija skrucili biełarusa i advieźli ŭ pastarunak. Tam jon praciahvaŭ kryčać, a potym udaryŭ načalnika adździaleńnia kułakom u tvar i raźbiŭ jamu hubu.
Urešcie Karłoŭski raskajaŭsia i całkam pryznaŭ vinu. Za ŭdar pa žančynie jamu pryznačyli 300 hadzin abaviazkovych prac, a za ŭdar pa palicejskim — paŭtara hoda źniavoleńnia.
Takim i staŭ kančatkovy termin — paŭtara hoda kałonii-pasialeńnia.
U prysudzie adznačajecca, što ŭ biełarusa vyjavili emacyjanalna niestabilny razład asoby i sindrom zaležnaści ad ałkaholu.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy14
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec66
Kamientary