Najlepšaha pradprymalnika vybirali na «dni naradžeńnia Rumasa» i z udziełam Makieja

Pieramožcam nacyjanalnaha etapa konkursu «Pradprymalnik hoda» pa viersii aŭdytarskaj kampanii EY («Ernst end Janh») staŭ saŭładalnik hrodzienskaj fabryki «Konte Spa» Valancin Bajko. Pra toje, što zastałosia za kadram konkursu, — u materyjale TUT.BY.

Pavialičyć

Konkurs «Pradprymalnik hoda» pravodzicca kampanijaj EY na rehijanalnym, nacyjanalnym i mižnarodnym uzroŭni u 145 haradach 60 krain z 1989 hoda. Jon zaklikany vyłučyć pradprymalnikaŭ, jakija stvaryli i ŭznačalili paśpiachovy biznes, jaki dynamična raźvivajecca. Pieršy raz konkurs prajšoŭ u Biełarusi ŭ 2014 hodzie, i tady pieramožcam nacyjanalnaha etapa staŭ staršynia Savieta dyrektaraŭ Epam Systems Arkadź Dobkin.

Praz dva hady ŭ finał biełaruskaha etapa konkursu vyjšli 18 biznesmienaŭ. U paraŭnańni z 2014 hodam kolkaść łaŭreataŭ vyrasła na 60%. Zrešty, u kułuarach ludzi niaredka zadavalisia pytańniem nakont metazhodnaści ŭklučeńnia niekatorych kandydatur. Zanadta roznakalibiernymi byli biznesmieny jak pa maštabie, tak i pa historyi pośpiechu. Arhanizatary pašyreńnie koła pretendentaŭ tłumačyli žadańniem zrabić konkurs jašče bolš demakratyčnym u vačach biznesmienaŭ, kab jany nie bajalisia ŭ im udzielničać. «Vy zachaplajecie, i vaš prykład chočacca pierajmać, i na vas śviadoma ci padśviadoma chočacca raŭniacca. Tamu tak važnaja vaša publičnaść i tak važny hety konkurs. Heta treba navat nie stolki vam, kolki vašaj kamandzie i Biełarusi. Vy zadajacie ton, što na vas raŭniajucca novyja pradprymalniki», — skazaŭ upraŭlajučy partnior EY u Biełarusi Pavieł Łaščanka va ŭstupnaj pramovie.

Pavialičyć

Jak śćviardžajuć arhanizatary, «za ŭdzieł u konkursie nie treba było płacić», a tolki «inviestavać svoj čas». Zaprašeńnie było nakiravana «bolš za 150 čałaviek». Adnak niekatoryja biznesmieny akazalisia «kapryznymi i niepubličnym». A inšyja «pabajalisia, što mohuć nie vyjhrać».

Žurnalisty vykazali zdahadku, što niežadańnie biznesu śviacicca źviazana z chvalaj aryštaŭ pradprymalnikaŭ, jakaja niadaŭna prakaciłasia ŭ Biełarusi. Adnak u aficyjnych pramovach hetaja viersija nie znajšła vodhuku.

Pavialičyć

U chodzie pres-kanfierencyi, prymierkavanaj da finału konkursu, Łaščanka źviarnuŭ uvahu, što dziełavy klimat u Biełarusi dastatkova stabilny, ale pry hetym čakańni biznes-supolnaści šmat u čym zaležać ad dvuch padziej. Pieršaje — pryciahnieńnie kredytu Mižnarodnaha valutnaha fondu, atrymańnie jakoha anansujecca ŭžo kala hoda. «Da kanca hoda, napeŭna, hetaje pytańnie nie budzie vyrašanaje», — skazaŭ Łaščanka. Pry hetym jon zaklikaŭ čynoŭnikaŭ «nie piedalavać abiacańni» pa terminach padpisańnia pahadnieńnia.

Druhaja padzieja — pieramovy Biełarusi i Rasii pa adčuvalnych pytańniach dvuchbakovaha supracoŭnictva. «Treba damaŭlacca sa svaim hałoŭnym ekanamičnym partnioram pa pytańniach, jakija pastaŭlenyja. Na maju pryvatnuju dumku, pieramovy trochi zaciahnulisia», — reziumavaŭ Łaščanka.

Staršynia praŭleńnia Banka raźvićcia Siarhiej Rumas, u svaju čarhu, daŭ abnadziejlivy sihnał dla biznesu. Na hetym tydni ŭrad uchvaliŭ pryciahnieńnie pazyki Suśvietnaha banka na 40 młn dalaraŭ na padtrymku małoha i siaredniaha biznesu. Akramia taho, u ramkach hetaj inicyjatyvy płanujecca źnižeńnie staŭki pa rublovych kredytach.

Pavialičyć

Uračystaja cyrymonija ŭznaharodžańnia pieramožcaŭ-2016 adbyłasia 1 śniežnia ŭ Minsku. U hety dzień 47 hadoŭ spoŭniłasia Siarhieju Rumasu, jaki źjaŭlajecca staršynioj žury konkursu. Paśla anonsu dnia naradžeńnia bankir atrymaŭ šmatlikija vinšavańni. Viadučy cyrymonii navat pažartavaŭ na hety kont: «Kali spytajuć, dzie ty byŭ siońnia ŭviečary, to možna śmieła adkazvać, što na dni naradžeńnia Rumasa».

Spačatku žury vyznačyła pieramožcaŭ u piaci naminacyjach. Uznaharodu za «Imklivy rost» atrymaŭ kiraŭnik IT-kampanii «Vajzar Hiejmz» Siarhiej Bruj. Pieramožcam u naminacyi «Biznes vysokich technałohij» staŭ uładalnik «Adani» (śpiecyjalizacyja — vytvorčaść nizkadoznaha abstalavańnia dla skanavańnia čałavieka) Uładzimir Linioŭ. Pryz u naminacyi «Mižnarodny biznes» dastaŭsia zasnavalniku «Polimajstra» (stvareńnie pryboraŭ radyjacyjnaha kantrolu) Ludmiły Antonaŭskaj. Kiraŭnik hrupy kampanij «A-100» (sietka AZS, žyłaja i kamiercyjnaja nieruchomaść) Alaksandr Cencier pieršynstvavaŭ u naminacyi «Biznes asiarodździa pražyvańnia». Śpiecyjalny pryz žury atrymała Iryna Ciareščanka, haspadynia sałonaŭ pryhažości «Itejra» i bujny dystrybjutar kaśmietyki. Saŭładalnik «Konte Spa» Valancin Bajko pieramoh u naminacyi «Rehijanalny lidar» i byŭ nazvany «Pradprymalnikam hoda — 2016» u Biełarusi pa viersii EY.

Pavialičyć

Valancin Bajko skazaŭ, što dziakujučy konkursu «paznajomiŭsia ź cikavymi ludźmi, raniej pra jakija čytaŭ tolki ŭ presie». Biznesmien ubačyŭ, što «hramadstva i śviet mianiajucca, što adbyvajecca źmianieńnie ŭ śviadomaści ludziej. I maładoje pakaleńnie ŭ niejkich rečach stanovicca lepšym, čym papiaredniaje, jano dumaje pa-inšamu, jano pa-inšamu hladzić na śviet, jano dabrejšaje, jano znachodzić inšyja instrumienty nie tolki dla biznesu, ale i dla žyćcia». «I heta daje nadzieju na toje, što biznes isnuje nie tolki dziela hrošaj, ale i dla taho, kab rabić śviet lepšym. Ja pierakanany ŭ tym, što my — biznesmieny, možam na heta ŭpłyvać», — padsumavaŭ Bajko, jaki pradstavić Biełaruś na mižnarodnym finale ŭ Manaka ŭ červieni 2017 hoda.

Pavialičyć

• 0
• 0
• 0
• 0
• 0
• 0
• 0
• 0