Mocny štorm u Sočy zmoh pieraadoleć bierahaachoŭnyja zbudavańni i abrynuŭsia na prydamavyja terytoryi i dziciačyja placoŭki, paviedamlaje Newsru co spasyłkaj na Maks Portal.
Na videa možna nazirać, jak chvali vyšynioj u niekalki mietraŭ zataplajuć pavierchi haścinic, jakija znachodziacca niepadalok ad bieraha mora.
Stychija ŭ Sočy bušuje ŭžo druhija sutki. Urahanny viecier z paryvami da 30 mietraŭ u siekundu valić drevy, zryvaje dachi, paškodžvaje roznyja kanstrukcyi i elektrasietki. Na praciahu suboty było pavalena kala 160 dreŭ.
U pieršyja hadziny paśla razhułu stychii ŭłady horada stvaryli apieratyŭny štab. U adnaŭlenčych rabotach zadziejničana bolš za 500 čałaviek i amal 100 adzinak techniki.
Asabliva mocna stychija razhulałasia ŭ Łazaraŭskim rajonie kurorta. U Chościnskim rajonie viecier źnios častku dachu ź piacipaviarchovaha budynka. Ahułam u Sočy paškodžanyja dachi šaści damoŭ.
Štarmavoje papiaredžańnie było abvieščanaje ŭ piatnicu. Jak čakajecca, urahanny viecier siłaj da 30 mietraŭ u siekundu budzie dźmuć na Čarnamorskim uźbiarežžy da kanca 4 śniežnia.
Kamientary