Žyćciu dziaŭčynki, jakaja trapiła pad koły aŭtamabila chutkaj dapamohi ŭ Viciebskim rajonie, ništo nie pahražaje. Pra heta paviedamiła aficyjny pradstaŭnik upraŭleńnia Śledčaha kamiteta pa Viciebskaj vobłaści Śviatłana Sacharava.
«Dziaŭčyncy akazana nieabchodnaja miedycynskaja dapamoha, žyćciu ništo nie pahražaje, — raspaviała Śviatłana Sacharava. — Miedyki dyjahnastavali zakrytuju čerapna-mazhavuju traŭmu, udar hałaŭnoha mozhu i miakkich tkanak hałavy, a taksama inšyja traŭmy».
Viciebski rajonny adździeł Śledčaha kamiteta pa hetym fakcie pravodzić pravierku.
Jak paviedamlałasia, 14 studzienia ŭ 21.40 u Viciebskim rajonie dziaŭčynka apynułasia pad kołami aŭtamabila chutkaj miedycynskaj dapamohi. Kiroŭca adnoj z ustanoŭ achovy zdaroŭja Viciebska, ruchajučysia pa vulicy ahraharadka Kiraŭsk na słužbovym aŭtamabili chutkaj dapamohi, ździejśniŭ najezd dvuchhadovuju dziaŭčynku, jakaja vypała ź dziciačych sanak. Imavierna, momant jaje vypadzieńnia z sanak zastaŭsia niezaŭvažanym.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary