Biełaruskaja delehacyja na čale ź pieršym vice-premjeram Biełarusi Vasilom Maciušeŭskim u paniadziełak na sustrečy z kiraŭnikom Administracyi Śpiecyjalnaha aŭtanomnaha rajona Hankonh Lan Čžeńjinam dasiahnuła damoŭlenaści ab uzajemnaj admienie viz.
Jak paviedamlaje pasolstva Biełarusi ŭ Kitai, damoŭlenaść ŭstupić u siłu paśla zaviaršeńnia ŭnutrydziaržaŭnych pracedur u Biełarusi i Kitai.
Siońnia dla biełarusaŭ viza ŭ Hankonh kaštuje 30 dalaraŭ.
Na dumku śpiecyjalistaŭ, admiena viz pamiž Biełaruśsiu i Hankonham dazvolić istotna aktyvizavać kantakty dźviuch krain na ŭzroŭni biźniesu i turyzmu.
U paniadziełak taksama padpisana pahadnieńnie ab paźbiahańni dvajnoha padatkaabkładańnia i papiaredžańni ŭchileńnia ad vypłaty padatkaŭ na dachody i majomaść pamiž Biełaruśsiu i Hankonham.
U adpaviednaści z pahadnieńniem staŭka pa dyvidendach i pracentach składzie 5%, staŭka rojałci - ad 3 da 5%, pa astatnich apieracyjach staŭki nie ahavorvajucca.
Śpiecyjalisty miarkujuć, što padpisańnie pahadnieńnia ab paźbiahańni dvajnoha padatkaabkładańnia i papiaredžańni ŭchileńnia ad vypłaty padatkaŭ na dachody i majomaść stvoryć spryjalnyja ŭmovy dla supracoŭnictva ŭ finansavaj śfiery pamiž bakami.
Ciapier čytajuć
«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami6
Kamientary