Беларуская дэлегацыя на чале з першым віцэ-прэм'ерам Беларусі Васілём Мацюшэўскім у панядзелак на сустрэчы з кіраўніком Адміністрацыі Спецыяльнага аўтаномнага раёна Ганконг Лян Чжэньінам дасягнула дамоўленасці аб узаемнай адмене віз.
Як паведамляе пасольства Беларусі ў Кітаі, дамоўленасць ўступіць у сілу пасля завяршэння ўнутрыдзяржаўных працэдур у Беларусі і Кітаі.
Сёння для беларусаў віза ў Ганконг каштуе 30 даляраў.
На думку спецыялістаў, адмена віз паміж Беларуссю і Ганконгам дазволіць істотна актывізаваць кантакты дзвюх краін на ўзроўні бізнесу і турызму.
У панядзелак таксама падпісана пагадненне аб пазбяганні двайнога падаткаабкладання і папярэджанні ўхілення ад выплаты падаткаў на даходы і маёмасць паміж Беларуссю і Ганконгам.
У адпаведнасці з пагадненнем стаўка па дывідэндах і працэнтах складзе 5%, стаўка роялці - ад 3 да 5%, па астатніх аперацыях стаўкі не агаворваюцца.
Спецыялісты мяркуюць, што падпісанне пагаднення аб пазбяганні двайнога падаткаабкладання і папярэджанні ўхілення ад выплаты падаткаў на даходы і маёмасць створыць спрыяльныя ўмовы для супрацоўніцтва ў фінансавай сферы паміж бакамі.
Цяпер чытаюць
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся8
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары