Jany prapanujuć abmierkavać sytuacyju, što składvajecca ŭ Biełarusi ŭ peryjad parlamenckaj vybarčaj kampanii.
Jany prapanujuć abmierkavać situacyju, što składvajecca ŭ Biełarusi ŭ pieryjad parłamienckaj vybarčaj kampanii. Pradstaŭniki demsił, u pryvatnaści, majuć namier źviarnuć uvahu hienprakurora na niaspynny cisk, jaki ŭłady akazvajuć na aktyvistaŭ demakratyčnaha ruchu — udzielnikaŭ vybarčaj kampanii.
U adoźvie, u pryvatnaści, zaznačajecca: "U apošnija niekalki tydniaŭ u Biełarusi ŭzmacniŭsia cisk na hramadzian, što źjaŭlajucca členami palityčnych partyj i hramadskich abjadnańniaŭ, jakija vyrašyli skarystać svajo kanstytucyjnaje prava i ŭziać udzieł u kampanii pa vybarach deputataŭ Pałaty pradstaŭnikoŭ Nacyjanalnaha schodu".
"Palityčnyja represii asabliva ŭzmacnilisia paśla vybuchu ŭ Minsku ŭ noč na 4 lipienia, — padkreślivajecca ŭ adoźvie. — Hetaje złačynstva, arhanizatary i vykanaŭcy jakoha nie ŭstanoŭleny, ułady vykarystali dla zapałochvańnia demakratyčnych aktyvistaŭ. Vykliki ŭ KDB i dopyty pradstaŭnikoŭ palityčnaj apazicyi padličvajucca ŭžo dziesiatkami".
Aŭtary adozvy prosiać R.Vasileviča ab nieadkładnaj sustrečy dla taho, kab "spynić palityčnyja represii". Pry hetym jany zajaŭlajuć ab hatoŭnaści pradastavić u orhany prakuratury ŭsie materyjały, jakija paćviardžajuć fakty cisku na ŭdzielnikaŭ vybarčaha pracesu.
Pad adozvaj padpisalisia lider Abjadnanaj hramadzianskaj partyi Anatol Labiedźka, namieśnik staršyni Partyi BNF Vincuk Viačorka, lider Partyi kamunistaŭ Biełaruskaj Siarhiej Kalakin i pieršy namieśnik Biełaruskaj sacyjał-demakratyčnaj partyi (Hramada) Anatol Laŭkovič.
Dakumient byŭ pieradadzieny namieśniku načalnika adździeła pa rabocie sa zvarotami hramadzian Hienieralnaj prakuratury. Pieradajučy list, S.Kalakin źviarnuŭ uvahu na toje, što ŭ hetym vypadku padpisanty źviartajucca da hienprakurora nie jak hramadzianie, a jak lidery palityčnych subjektaŭ, jakija ŭdzielničajuć u vybarčaj kampanii, tamu jany chacieli b, kab sustreča adbyłasia jak maha chutčej.
-
Ajcišnikaŭ, jakija absłuhoŭvali «Biełsat», abvinavacili ŭ vyvadzie 1,8 młn dalaraŭ praź fiktyŭnyja pasłuhi
-
Viktar Łukašenka zaśviaciŭ na pasiadžeńni NAK svoj hadzińnik — ciažki luks
-
Viačorka: Cichanoŭskaja z Koŭłam abmiarkoŭvała varyjant z amnistyjaj, pry jakoj nie adkryvajucca novyja spravy i spyniajucca minułyja
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks19
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary