Zatrymany biznesoviec Alaksandr Knyrovič, jon u SIZA KDB
U sieradu Alaksandr Knyrovič pajšoŭ na dopyt u Kamitet dziaržaŭnaj biaśpieki ŭ jakaści śviedki i nie viarnuŭsia. Jak stała viadoma, jaho zatrymali na 72 hadziny.
Razam z Knyrovičam zatrymali niekalkich jahonych kaleh.
Svajaki zatrymanaha pakul nie dajuć nijakaj infarmacyi ŚMI. «Čałaviek moža jašče vyjści, a paśla taho jak pojdzie chvala — užo nie», — kažuć jany.
Alaksandr Knyrovič byŭ zasnavalnikam hrupy kampanij «Sarmat-STI», ale ŭ apošnija hady byŭ bolš viadomy jak «biznes-anioł» — mientar, jaki apiekavaŭsia startapami.
Knyrovič taksama aktyŭna vystupaŭ na «BiełBiznesČeneł» i pisaŭ dla Kyky.org. Adzin ź jaho artykułaŭ, z krytykaj aficyjoznaj traktoŭki historyi Druhoj suśvietnaj vajny, vyklikaŭ časovaje błakavańnie resursu Ministerstvam infarmacyi.
Siabry Knyroviča ličać zatrymańnie źviazanym ź jahonym biznesam.
Darečy, u svoj čas u Knyroviča byli prablemy z pravaachoŭnymi orhanami.
«Vialiki pośpiech — nie zaŭsiody ščaście, — raspaviadaŭ jon u intervju «Probiźnies». — Viedajecie, kali ŭ vas u adzin hod abarot 30 tysiač dalaraŭ, u druhi — 700 tysiač, u treci — 2 miljony, u čaćviorty — 7. A dalej 15, 24, 35 młn — u vas kankretna «znosić dach». Vam zdajecca, što tak budzie praciahvacca viečna, što hod za hodam usio budzie raści-raści, i vy budziecie i dalej znachodzicca ŭ takoj roli. Ja byŭ u takoj roli. I, viadoma, heta skončyłasia drenna. Heta skončyłasia ŭ 2008 hodzie pravierkaj DFR, kryminalnaj spravaj, padpiskaj ab niavyjeździe. I ja vielmi dobra pamiataju momant: kali my raźličylisia ź dziaržavaj, ja atrymaŭ vialikuju pryhožuju papieru, što jana da mianie bolš pretenzij nie maje. Pieršym ža rejsam ja palacieŭ na Mižziemnaje mora na lubimy kurort. Heta byŭ vierasień. Vy viedajecie, u vieraśni pavinien być aksamitny siezon. A tam choładna, +12, ja siadžu ŭ restaranie… i płáču. Absalutna ščyra ja siadzieŭ i liŭ ślozy na pastu i ŭ svoj kielich šampanskaha. Tamu što ŭjaŭlaŭ, jak ja moh by 7 hadoŭ hładzić škonku. I ŭ hety momant maja mara była vielmi prostaja: znachodzicca pobač sa svaimi blizkimi, mieć mahčymaść prosta pracavać, niezaležna ad kolkaści hrošaj, jakija pry hetym atrymlivajucca»…
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary