Грамадства4646

Затрыманы бізнэсовец Аляксандр Кныровіч, ён у СІЗА КДБ

Фота: bel.biz.

У сераду Аляксандр Кныровіч пайшоў на допыт у Камітэт дзяржаўнай бяспекі ў якасці сведкі і не вярнуўся. Як стала вядома, яго затрымалі на 72 гадзіны.

Разам з Кныровічам затрымалі некалькіх ягоных калег.

Сваякі затрыманага пакуль не даюць ніякай інфармацыі СМІ. «Чалавек можа яшчэ выйсці, а пасля таго як пойдзе хваля — ужо не», — кажуць яны.

Аляксандр Кныровіч быў заснавальнікам групы кампаній «Сармат-СТІ», але ў апошнія гады быў больш вядомы як «бізнэс-анёл» — ментар, які апекаваўся стартапамі.

Кныровіч таксама актыўна выступаў на «БелБізнэсЧэнэл» і пісаў для Kyky.org. Адзін з яго артыкулаў, з крытыкай афіцыёзнай трактоўкі гісторыі Другой сусветнай вайны, выклікаў часовае блакаванне рэсурсу Міністэрствам інфармацыі.

Сябры Кныровіча лічаць затрыманне звязаным з ягоным бізнэсам.

Дарэчы, у свой час у Кныровіча былі праблемы з праваахоўнымі органамі.

«Вялікі поспех — не заўсёды шчасце, — распавядаў ён у інтэрв'ю «Пробизнес». — Ведаеце, калі ў вас у адзін год абарот 30 тысяч даляраў, у другі — 700 тысяч, у трэці — 2 мільёны, у чацвёрты — 7. А далей 15, 24, 35 млн — у вас канкрэтна «зносіць дах». Вам здаецца, што так будзе працягвацца вечна, што год за годам усё будзе расці-расці, і вы будзеце і далей знаходзіцца ў такой ролі. Я быў у такой ролі. І, вядома, гэта скончылася дрэнна. Гэта скончылася ў 2008 годзе праверкай ДФР, крымінальнай справай, падпіскай аб нявыездзе. І я вельмі добра памятаю момант: калі мы разлічыліся з дзяржавай, я атрымаў вялікую прыгожую паперу, што яна да мяне больш прэтэнзій не мае. Першым жа рэйсам я паляцеў на Міжземнае мора на любімы курорт. Гэта быў верасень. Вы ведаеце, у верасні павінен быць аксамітны сезон. А там холадна, +12, я сяджу ў рэстаране… і плáчу. Абсалютна шчыра я сядзеў і ліў слёзы на пасту і ў свой келіх шампанскага. Таму што ўяўляў, як я мог бы 7 гадоў гладзіць шконку. І ў гэты момант мая мара была вельмі простая: знаходзіцца побач са сваімі блізкімі, мець магчымасць проста працаваць, незалежна ад колькасці грошай, якія пры гэтым атрымліваюцца»…

Каментары46

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Удава актывіста Максіма Чарняўскага расказала пра яго пакуты перад суіцыдам5

Удава актывіста Максіма Чарняўскага расказала пра яго пакуты перад суіцыдам

Усе навіны →
Усе навіны

Як звесці рызыку інфаркту да мінімуму?

Беларус надрукаваў на 3D-прынтары пісталет-кулямёт2

Азараў расказаў, чым будзе займацца яго дэтэктыўнае бюро «Рэкс»6

Чарговы скандал з адміністрацыяй Трампа: журналісты знайшлі ў інтэрнэце персанальныя даныя топ-чыноўнікаў4

«Мой заробак у Польшчы вырас у дзесяць разоў» — гінеколаг Ганна Каско49

Міністр абароны Літвы: Няма гарантыі, што вайскоўцы ЗША ў машыне — правяраюцца і іншыя версіі1

Каля новай станцыі метро хочуць знесці прыватны сектар і двухпавярхоўкі. Мінчан клічуць на абмеркаванне5

У Мінску з'явіліся электрасамакаты «Яндэкс Go»

Удзельніцам «Міс Беларусь» дазволілі мець татуіроўкі і пірсінг4

больш чытаных навін
больш лайканых навін

Удава актывіста Максіма Чарняўскага расказала пра яго пакуты перад суіцыдам5

Удава актывіста Максіма Чарняўскага расказала пра яго пакуты перад суіцыдам

Галоўнае
Усе навіны →

Заўвага:

 

 

 

 

Закрыць Паведаміць