Praź miesiac paśla pryznačeńnia ministram pracy Małaška staŭ kiraŭnikom Ministerstva achovy zdaroŭja
mogilev-region.gov.by
Alaksandr Łukašenka pryznačyŭ Valeryja Małašku ministram achovy zdaroŭja, paviedamlaje pres-słužba kiraŭnika dziaržavy. Nahadajem, što 15 śniežnia 2016 hoda Małašku pryznačyli na pasadu ministra pracy i sacyjalnaj abarony.
Łukašenka siońnia nahadaŭ, što zusim niadaŭna Valeryj Małaška byŭ pryznačany ministram pracy i sacyjalnaj abarony.
«Kali my zakranuli pytańnie ab pryznačeńni ministra achovy zdaroŭja i mnie prapanavali dziasiatka paŭtara kandydatur, samy vysoki rejtynh pry praviercy akazaŭsia ŭ Vas. Usie davali charaktarystyki, pierš za ŭsio staviačy Vas na pieršaje miesca», - adznačyŭ Alaksandr Łukašenka.
«Nie chaču skazać, što pasada ministra pracy ŭ nas druharadnaja, ale, pahadziciesia, pasada ministra achovy zdaroŭja — najvažniejšaja ŭ luboj krainie, bo heta źviazana sa zdaroŭjem cełaj nacyi, našaha nasielnictva.
Mnie daviałosia vybirać: ci pahadzicca z tym, što było, ci ž pryznać, što Małaška bolš patrebny ŭ jakaści ministra achovy zdaroŭja, — cytuje słovy Łukašenki jaho pres-słužba. — Tamu ja prynošu svaje prabačeńni, što tak atrymałasia, ale hramadstva ličyć, što Małaška pavinien być ministram achovy zdaroŭja. I ja z hetym hramadstvam zhodzien».
***
Valeryj Małaška naradziŭsia ŭ 1966 hodzie ŭ Hrodnie. U 1989 hodzie skončyŭ Minski dziaržaŭny miedycynski instytut (pa śpiecyjalnaści «piedyjatryja», a ŭ 2007 hodzie — Akademiju kiravańnia pry prezidencie (pa śpiecyjalnaści «dziaržaŭnaje kiravańnie sacyjalnaj śfieraj»).
Z 1989 hoda pracavaŭ doktaram-internam pa aniestezijałohii i reanimatałohii Mahiloŭskaj abłasnoj balnicy, z 1990 pa 1993 hod — doktaram-aniestezijołaham-reanimatołaham Mahiloŭskaj abłasnoj dziciačaj balnicy. Z 1993 pa 1997 hod - namieśnik hałoŭnaha ŭrača pa lačebnych pytańniach Mahiloŭskaj abłasnoj dziciačaj balnicy. U 1997-2004 hadach zajmaŭ pasadu hałoŭnaha doktara Mahiloŭskaj abłasnoj dziciačaj balnicy.
Z 2004 hoda byŭ pieršym namieśnikam načalnika ŭpraŭleńnia achovy zdaroŭja Mahiloŭskaha abłvykankama. Z 2005 pa 2009 hod - načalnik upraŭleńnia achovy zdaroŭja Mahiloŭskaha abłvykankama. Namieśnikam staršyni Mahiloŭskaha abłvykankama staŭ u studzieni 2009 hoda.
Piać faktaŭ pra doktara Valeryja Małašku
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha148
Kamientary