Supracoŭniki FSB RF zatrymali mierkavanaha stvaralnika sajta «Šałtaj-bałtaj» Uładzimira Anikiejeva jašče ŭ kastryčniku 2016 hoda, a ŭ subotu, 28 studzienia, pra heta paviedamiła ahienctva «Rosbałt» sa spasyłkaj na ŭłasnuju krynicu. Anikiejeŭ byŭ uziaty pad vartu ŭ Sankt-Pieciarburhu, kudy jon prylacieŭ z Ukrainy.
Hrupoŭka stała viadomaja paśla publikacyi pierapiski vysokapastaŭlenych čynoŭnikaŭ, u tym liku premjer-ministra Dźmitryja Miadźviedzieva i vice-premjera Arkadzia Dvarkoviča, adznačaje DW.
Jak piša «Rosbałt», Anikiejeva «vymanili» z Ukrainy, adkul jon «viartacca nie źbiraŭsia». FSB vystaviła jamu abvinavačvańnie pa artykule 272 KK RF (Niepravamierny dostup da kampjutarnaj infarmacyi).
Akramia taho, napiaredadni paviedamlałasia pra zatrymańnie jašče adnaho ŭdzielnika hrupoŭki «Šałtaj-bałtaj». Pavodle vydańnia, im akazaŭsia supracoŭnik centra infarmacyjnaj biaśpieki (CIB) FSB Dźmitryj Dakučajeŭ. Jon byŭ uziaty pad vartu ŭ śniežni 2016 hoda. Razam ź im byŭ zatrymany taksama adzin z kiraŭnikoŭ CIB Siarhiej Michajłaŭ i top-mieniedžar «Łabaratoryi Kaśpierskaha» Rusłan Stajanaŭ.
Pavodle ŚMI, mienavita Michajłaŭ i byŭ kurataram hrupoŭki «Šałtaj-bałtaj» u apošnija miesiacy, a Dakučajeŭ źjaŭlaŭsia niepasrednym vykanaŭcam uzłomaŭ.
Ciapier jany prachodziać pa spravie ab dziaržaŭnaj zdradzie.
Ciapier čytajuć
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia1
Kamientary