18 lipienia ŭ horad adkryvać Ratušu pryjechaŭ A. Łukašenka. U adnu cyrulniu ŭvarvalisia supracoŭniki ŭ cyvilnym i zahadali iść razam ź imi. Niekatorych klijentaŭ cyrulniki nia zdoleli dastryhčy, i tyja — niedastryžanyja, z mokrymi vałasami musili rušyć na adkryćcio Ratušy.
U vyniku pryjezda prezidenta horad byŭ całkam pierakryty — ruch hramadskaha i ŭłasnaha transpartu prypyniŭsia amal na dźvie hadziny. Ludzi byli vymušany pieškam dabiracca z adnaho kanca horada ŭ druhi.
— Pakul ja dajšoŭ z centra da prypynku «Puškinskaja», a heta vialikaja adlehłaść ad centra, — havoryć Viktar, — abšukali try razy i stolki ž razoŭ pravieryli dakumienty. Sa mnoj byŭ maleńki prazrysty pakiet, u jakim nios svaje ŭłasnyja rečy, jakija, čamuści, vyklikali ŭ supracoŭnikaŭ śpiecsłužbaŭ padazreńni. U hety čas taksama dahladałasia vielmi šmat inšych ludziej.
Ca słovaŭ Źmiciera, jaki taksama apynuŭsia ŭ hety čas u horadzie, abłasny centr byŭ napičkany supracoŭnikami śpiecsłužb «pad zaviazku».
— Jany stajali z racyjami ledź nie kožnyja piać mietraŭ, — adznačaje Źmicier. — Adzin mužyk pačaŭ kryčać, maŭlaŭ, čaho vy siudy nalacieli i stvarajecie niazručnaści. Jon niekalki razoŭ užyŭ nieprystojnyja słovy. Praź imhnieńnie ludzi ŭ cyvilnym pad ručki vyvieli jaho ŭ nieviadomym napramku.
— U majoj znajomaj, — adznačaje Viktar, — jakaja apynułasia ŭ cyrulni, što ŭ domie, viadomym jak «kitajskaja ściana», sprava abstajała ŭvohule dramatyčna. Tudy ŭvarvalisia supracoŭniki ŭ cyvilnym i skazali, kab usie išli razam ź imi. Razdali niejkija płakaty, jakija jany pavinny byli nieści i trymać. Miž inšym, niekatorych klijentaŭ cyrulniki nie zdoleli da kanca dastryhčy, i jany — niedastryžanyja, z mokrymi vałasami musili rušyć na adkryćcio Ratušy. Nie čaplali tolki tych, jakija ŭ hety čas farbavali svaje vałasy, bo heta b vyhladała ŭvohule vielmi śmiešna.
— Niechta z klijentaŭ cyrulni pačaŭ supraciŭlacca takoj nachabščynie, — praciahvaje Viktar, — u vyniku adzin z čekistaŭ dastaŭ pistalet, schapiŭ jaho za škirki i prycisnuŭ da ściany, pry hetym prystaviŭ duła da hałavy, a zatym ultymatyŭna skazaŭ: «U ciabie niama vybaru! « I čałaviek skaryŭsia.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB9
Kamientary